是否心情緊張

哈哈...我同你一樣,好想有bb,我日計夜計排卵期,幾時做先會中,其實自己唔覺係緊張,但老公就成日話我咁樣好難有,的確過左大半年咁既生活(日諗夜諗), 個人都好累,好唔開心, finally我地去左旅行, 去玩下輕鬆d, 去完旅行就中左啦. 所以唔到你唔信, 放鬆d可能重好. 同埋你可以食定"葉酸"為bb做定準備,當然最好睇下醫生,唔好亂食唔正確份量既維他命or "葉酸"啦, 祝你身體健康,做個開開心心既媽咪.

p.s.唔好盡信排卵期先做,咁會小左d機會....加油!

妳好~板主~
我覺得妳都幾緊張吓喎~(感覺上妳好似好想有BB)其實,妳會唔會唔好諗住自己是否將會懷孕,放鬆心情,好點呢??(但我同時間亦都感覺到,妳因為想有BB而多留意育兒綱頁,將來BB出世妳一定會係一個好媽媽,重會係個好細心好疼錫小朋友既好媽媽!!預祝妳生個可愛寶寶!)

有左會有咩感覺呀??我有左我個女一個月時後,成日都覺好累又常去廁所!到左兩,三個月就成日有d作嘔感覺(但又嘔唔出),而且d脾氣大左,胃口好左又食多左d酸野!到左四,五個月左右,條腰骨成日都好似好硬,好酸痛咁(又唔揼得骨,老人家話揼骨會落細路!)!

大慨係咁啦!唔知幚唔幚到妳呢?!