巴黎自由行

去迪士尼已用1日(玩至關門看煙花，淡季不清楚)，最後1天看航班幾點，黄昏後機就可以去行公司買些手信吃完LUNCH入機場，預3小時前到机場(視乎你要否返酒店取件行李，要再加回酒店時間)，中間兩天市內遊例牌景:铁塔、聖母院、凱旋門、聖心教堂......等,如果喜歡電影「達文西密碼」又加些景點；若去凡爾塞宮又一日了。
大約:DAY 1迪士尼(机場有車去，看班次)
DAY 2市內遊
DAY 3凡爾塞宮(早些到排隊/選不去,市內遊),可以去看巴黎夜景(1,2,3日可互調)
DAY 4睇飛机TIME去PLAN,
3.MUSEUM PASS 同日內你能入兩個以上才有着數(天數多又$$$,用很多時間排隊、参觀),地鐵PASS看行程1-5ZONE(限期內包机場出入、迪士尼及凡爾塞宮來回),市內1-2ZONE內。網止:WWW.RATP.FR
4.跟團最少數十歐羅，入塲費包的又再貴些,你好趕就無法!跟團行少些路。

2007-04-04 20:53:32 補充：
SORRY!忘記Q2,方便斉全去春天、老佛爺百貨(名店、食物......)價錢?看你LIKE買什麼?平買(少少平，大城市係貴):藥房買法國出的礦泉水品牌......有些差百多元,市場買吃好抵有風味!

巴黎有咩玩, 可參考以下行程:
第一日:
Notre Dame (聖母院) – Flower & Bird Markets (花鳥市場) -- St. Chapelle (聖神教堂) -- La Tour Eiffel (巴黎鐵塔)

聖母院同聖神教堂相信你係坊間既旅遊書有講了. 花鳥市場係位於地鐵 CITE 站的 (聖母院同聖神教堂都係), 一出地鐵行幾步望左就見到, 係一個專賣植物及雀鳥既市場, 其實唔多野睇, 只係順路睇睇而已. (地鐵 4 線 cite)

巴黎鐵塔 (地鐵 6 線 Trocadero / bir hakeim), 如直接係凡爾賽宮去, 可搭 RER C 線, 係 champs de mars tour eiffel 落車)

第二日
Champs Elysees (香榭麗謝大道) – Arc de Trimpohe(凱旋門) - Montmartre (蒙馬特)– Sacre Coeur (聖心堂)– Place Tertre – Moulin Rouge (紅磨坊)


香榭麗謝大道, 不用多講. 法國最出名既街道... (地鐵 1 線 champs elysees clemanceau)

凱旋門唔需要多介紹了 (地鐵 1 線 charles de gaulles etolies)
蒙馬特區是藝術家及貧民的集中地...


聖心堂是一座大色的大教堂, 位於巴黎最高的山丘上... (地鐵 2 線 anvers)

place Tertre 你可以找到不同的食店, 亦可以找到藝術家的表演 (地鐵 2 線 anvers)

紅磨坊, 巴黎夜生活咁出名, 唔睇, 都係門口影張相啦 (地鐵 2 線 pigalle)


第三日
Eurodisneyland (迪士尼樂園)
第四日
Louvres (羅浮宮) - Place de la Concorde (協和廣場) –Opera Gernier (巴黎歌劇院)


羅浮宮唔講了... (地鐵 1 線 palais roya musee du louvre)
協和廣場以前就係斷頭台放置既地方, 而家就法國既地標之一了 (地鐵 1 線 concorde)

巴黎歌劇院係 1860 年代既產品, 外型壯觀, 內部亦十分華麗的 (地鐵 7, 8 線 opera)

如果對巴黎歌劇院不感興趣, 可直接到後面既春天 / 老佛爺百貨行街 (地鐵 7, 9 線 chaussee d'antin la fayette)

百貨公司收店後, 就係你地應該回去取行李, 入機場的時間了. 最好 8 點半左右就要係 Gare du Nord 出發啦. 如果要退稅, 就請再早多 30 分鐘...
購物方面, 睇你需要買 d 咩啦

小紀念品: 可於聖心堂附近購物
名牌貨: 香榭麗謝大道及附近的 Aveune de Montaigne (蒙田大道) 有齊出名的 LV GUCCI 等等
其他的精品, 化妝品等, 可留返係春天 / 老佛爺百貨購買
如果你按照以上行程遊玩, museum pass 可以不用買, 因為只有羅浮宮用得著, 其他的如凱旋門及鐵塔雖然也要比錢, 但 museum pass 是不包括在內的. 而且 museum pass 係貴的, 除非你一日睇 3 個博物館, 否則蝕死
交通方面, 如果你一樣按照以上行程遊玩, 4 天內 (不計去 disneyland) 只需要搭 10 - 12 次 metro. 你只需買 carnet (1 套的 10 張票 ) 就已經夠用了. 而且你需視乎什麼時侯到巴黎. 如果你是星期五六才到, 根本就沒有星期票可買的. 記住, 千萬唔好買 Paris Visite, 雖然話有好多優惠, 但全都廢既... 唔好買貴野呀...
巴黎十分 "tourist friendly", 四處都是地鐵站, 地圖資料又清楚, 是自由行的好地方. 根本就不用參加 local tour. 只需自己花一點時間準備, 就會玩得開開心心.
如有問題, 可 e-mail 給我