有無人幫到我??

2007-04-05 12:50 am

我成日都咬手指,咬到d指甲流晒血先安樂,又會係咁揑d腳甲,又係唔流血都唔安樂
就算唔咬唔揑都要拎住個指甲鉗剪到流晒血
總之一開始就好似收唔到手,好似停唔到咁
曾經試過好努力咁去戒,戒左一排,但係個心好似好唔舒服,結果都戒唔到

仲有一樣怪癖,細個貪玩,學人偷野,點知後來唔知點解變到連自己同人地屋企d野都偷,偷到唔可以自拔,人地一對我唔好,我就偷佢地d野,覺得係人地欠左我
有一次我比人拉左,先覺得好有問題,於是戒左幾年

係依幾年入面係無再偷野,不過就成日係屋企摷野,明知有d咩都係度摷
去到人地屋企都係咁摷,個心好想偷過
所以而家都唔敢去人地屋企,怕又做錯事
自己都唔係無錢,但都唔知點解會咁
依排離譜到想偷自己老公錢,成日摷佢架車d野
佢唔係對我唔好同埋佢唔知我有d咁既怪癖,我同屋企人都無講過佢知

究竟我係唔係有病同埋點樣先可以戒到依d怪癖,依d又會唔會係病態既一種?
我自己有睇開精神科睇抑鬱症,駛唔駛同佢地講?

回答 (4)

Gloria ☆

2007-04-05 9:06 am

✔ 最佳答案

我想,你現在十分痛苦及困擾,首先relax點,你既問題係可以解決架...放心吧!唔使驚!
唔好責怪自己,話自己怪癖,有病你自己都唔想既,係嗎?
我想,你可能有「衝動控制障礙」,我鼓勵你趕快同你睇開既醫生商量吧!佢會幫到你架!
除左同醫生講,我鼓勵你都同你家人或信任既朋友講,叫佢地陪埋你去睇醫生,你呢個時候或者會覺得好孤單或徬徨,好需要親人支持架!比個機會佢地陪你一齊去面對吖...

衝動控制障礙的特點是，病人其它方面都正常，就是多了一種行為，如偷竊、縱火、賭博、收藏、購物、拔毛、吮手指、咬指甲等。當些行為出現時，患者感到一種強烈的衝動，如果竭力克制，就會產生緊張、焦慮和身體不適，直到做了以後才感到放鬆和滿足感，然後就感到内疚和後悔，發誓以後決不再犯。但是，過不了多久，又會產生不可遏制的衝動。
有關專家認為,使用血清素類藥物,配合相關認知行為治療介入,多數可以獲得控制。
最佳的治療方法,是以臨床心理學家的「認知行為治療」,及配合抗抑鬱藥療程,以加強患者的衝動控制能力。患者若不妥善及早就醫,嚴重者可能會有自殺傾向。

這裡有個「自我傷害意向量表」,測一測吧,希望你用不著,
http://www.npic.edu.tw/~health/v1_0/d2.htm
衝動控制障礙相關資料及治療:
http://www.mlaivs.mlc.edu.tw/center/speech/891226-1.htm
參考書(公共圖書館借到):
1.自我傷害的評估與治療 / 唐子俊, 郭敏慧合譯. (台北 : 五南)
2.處理自我傷害行為實務指引 : 給你、你的家人、朋友、同事及有需要的人提供協助 / [黃蔚澄執行編輯].

👍 0 👎 0