40分: 結婚係兩個人o既事定兩家人o既事?

絕對係兩家人o既事！！

縱使兩個人有幾相愛，到結婚關頭就變成兩家人o既事... 單係相量擇日同禮金咁初步的事，兩家人你一言我一語攪到大家都好唔開心... 真係好麻煩！

好似我自已咁... 原本打算年尾結婚，不過咁樣攪落去，真係怕最後會分開，所以剛剛講左stop... 依家仲傷心緊！

我結婚時所有野都係老公家人話事嘅，個時我同老公都細，咩都由佢屋企人話事，
由攪婚禮到結咗婚我都好難受，由於我地細無咁多錢，我同我老公都諗住去註冊結婚就算，但佢屋企人話唔好睇，一定要擺酒，佢屋企人同我講佢地會酬備，佢地為咗貪平搵咗一問唔好食嘅酒樓，我結婚化妝搵朋友化，租咗３套衫，佢屋企人話因為酬備婚禮要洗好多錢所以唔買手飾比我，我都無所謂，但我奶奶叫我出門自己搭taxi,後來我老公知道問人借車，到婚禮當晚一切都算結束後佢地竟然問我攞我屋企人比我嘅嫁妝，話婚禮ｄ錢係借住比我地先，所以要攞我ｄ金飾去溶，我覺得好委屈，所以結婚係兩個人嘅事，一生人一次，一定要自己增取　，唔好比後悔！

結婚係兩個人o既事定兩家人o既事?
首先睇吓當事人自已點睇啦! 如果佢有條件到可以唔會須要兩家人任何協助,
佢地又可以反過來支援兩家人的話,咁當然絶對系兩個人嘅事啦;
同樣地如果無上述絶對條件及能力的話, 咁當然絶對系兩家人嘅事啦;
再講丫,撇開能力問題,兩個人一齊;怎可能生活圈內唔涉及到兩家人呢!
兩口子只系家庭組成之基礎,並不是一個完整的家(中國人傳統觀念);如果只系潮州音樂的話
咁就問題一籮籮啦,

我都覺得結婚係兩家人的事，除非雙方都沒有親人或者可以完全不理會親人啦，咁就可以話兩個人的事

單單是擇日子呀 擺酒呀 都要問清楚家人的意見，如果唔夠錢買樓，就要同是旦一方家人一齊住，咁就要睇下佢屋企人難唔難相處了，如果他們不喜歡你配偶的話，隨時攪到婆媳紏紛架.....

結左婚之後，兩家就做了親戚，如果佢地雙方不和，你們都逃不掉依場戰爭了.....所以唔係單單兩個人的事..........

結婚不是兩個人咁簡單呢.........

結婚係兩個人既事 因為註冊只係需要兩個過18歲既任何人 冇話一定要屋企人贊成啵

不過....擺酒絕對係兩家人既事......

結婚本來係兩個人既事! 但永遠都會涉及兩家人既事!

原本打算兩個人決定的婚期、擺酒場地、禮服、化妝、租車、攝影等等，但到了最後都是會有家人去決定你擺酒的地方要大體，穿著的禮服有咩顏色你唔可以穿著，我想你著d咩顏色，要擇日去決定你們的婚期！所以其實兩者都是有聯繫的。

我覺得可以說是兩個人的事, 也可以說是兩家人的事。
這是要看你們和家人的關係是怎樣。
1) 如果你們與家人的關係是很差的, 你們做什麼他們都不會理會的, 而你們也不會理會他們的反應的, 那麼結婚只是你們兩人的事。又或者你們是孤兒, 那也只會是你們的事。
2) 如果你們的關係是很好的, 你們是很重視家人的意見的話, 這絶對的兩家人的事-
a) 首先你們需要先問準兩方家長, 只是結婚日期也需要問來問去才落實。曾經有朋友因不知是家中誰人生病, 差一點不能結婚。
b) 還需要結婚前雙方家長要見見面, 也要就來就去的。
c) 要不要擺酒也需雙方確認。
d) 婚禮的場地也要雙方家長確認才能落實。
e) 酒席多少圍, 如何坐位也需要協調。
f) 如果你們在金錢上需要他們支助的, 更不用說。

其實最主要是你們希望兩個家庭都開開心心, 想配合得最好, 而還希望結婚後, 你或妳面對雙方的家人時都没有問題。都見到很多人為了結婚的事, 攪到最後兩人都分手了, 真可惜!
所以我覺得結婚雖然是開心的事, 也是最辛苦的事, 絶對看得出兩人的忍耐力與包容能力。

其實,結婚是兩家人的事,亦是兩個人的事.
如果你的家人不同意兩人的婚事,除非你們私奔,否則你家人不會對你愛人好的
如果是兩家決定,而你們又不愛對方,哪你們都不會開心!!

結婚係兩個人既事去到兩家人既事,
因2個人決定要走埋一齊結婚...原本就係兩個人既事, 但一搞結婚野就要擺酒呀, 過大禮呀...要雙方一齊傾好多好多野...
而結婚後2人又要返外家見世怕,怕母喎... 過時過節又要一齊要有好多野要面對...

兩家人o既事 because you the family idea.