點解廣東話 ＝ 「白話」？

【廣東話】：不精確嘅叫法，因為廣東省有部份地區係講潮州話同客家話，潮州話屬於閩語，同你聽到嘅香港嘅『広東語』係好唔同，但係大部份香港人都稱呼『広東語』做『廣東話』，一般都係指『粵語』；

【廣州話】：廣州市所講嘅話，１９４９年以前廣州係『粵語文化』嘅中心城市（而家係香港），以往用詞比較古雅，但近年受到漢語普通話影響，同香港『香港広東語』好似，但部份稱呼習慣唔同；

【粵語】：學術用語，對『広東語』比較正規同廣義嘅叫法，『粵』係廣東、香港一帶嘅古代名稱，『粵語』包括『廣州話』同『香港広東語』；

【白話】：唔一定指『広東語』，『白話』係中文意思係口語，即係同書面文體區分，北京人講白話即係指『北京話』，台灣人講白話即係指『台語』，廣州人講白話即係指『廣州話』。『白話文』係中文書體嘅一種，根據民國初期北方漢語口語為基楚，相對於『文言文』；

【廣府話】：相等於『粵語』，但冇咁學術意味。

我的理解系「淺白的話'」, 好似現代文也叫「白話文」, 比古文淺白易理解.