有咩辦法會考考得好ｄ？？

✔ 最佳答案

下列內容是從網上找來的，雖然很長，但對你會考很有幫助

首先第一樣野
讀書勤力係冇用的
你阿媽阿爸MISS阿SIR成日同你講俾多D心機讀
努力D讀就高分嫁喇?
WELL,
我同你講,如果你仲用呢個CONCEPRT讀書
注定你呢一世都考唔到A

另一個概念係

讀書還讀書考試還考試

考高分唔一定要勤力,重要既係效率

你有時會問,點解有D人平時唔讀唔讀會考可以好高分
而我平時上堂好俾心機讀書做功課,考會考一D都唔店
放心,我之後會講你知點解

我兩年前考會考6個A
MATHS AMATHS
PHY CHEM BIO
5科A
之後ENG (SLY.A)
A
中文C
我一定只係報左呢7科
因為我學校唔準人自修報會考

好多人以為會考想考A好難,事實上係一D都唔難
最重要係你要覺得自己一定有能力考到A先
冇信心,所有野無從談起

無論你讀咩都好,會考想考A
離唔開5樣野:
1. 書
2. NOTES
3. Pastpaper [PP]
4. Marking
5. Anuual report [AP]

先講下呢5樣野分別代表D咩,同埋點用

1.書

我行好多FORUM,經常聽到人問
好唔好溫曬書先做PP / 書要溫幾多先開始做PP / 好唔好一路溫一路做
答案係:
書你只要睇得明,記得熟6,7成就已經OK
例如MATHS
你只要覺得你自己將書入面既FORMULA記得7788咁就可以開始做PP

千祈唔好以為淨係讀本TEXTBOOK就可以考到A
亦都唔好以為淨做PP就考到A
千祈唔好諗住讀曬記曬成本書,咁樣做完全冇用而且係浪費時間
TEXTBOOK只係一個前提,睇完左就要開始做PP
2. NOTES

我對NOTES既見解係:
除非份NOTES係你自己親手寫出黎,如果唔係份NOTES唔叫NOTES
只係另一本新既TEXTBOOK,睇=冇睇

NOTES既意思係你將最精要既野MARK低成
一本書幾百頁,最終份NOTES出黎只會得廿幾三十頁

點做NOTES?
首先將個一課最基本既CONCEPT寫低
再用你自己既文字寫低,係自己既文字
而唔係叫你抄一次個Definition

之後將你對個一課既問題寫低
跟手係下面寫埋個答案

最後係將成課既內容做一次總結
好多書入面每一課都有分1,2,3 或者a,b,c 細part
你要搞清楚個一課由頭到尾係D咩

比如maths既第3課教log咁啦
做一次總結既意思係
3.1 log既定義 [log 10^n =n]
3.2 log既四則運算 [log(AB)=logA+logB]
3.3 log既作用 [log 3^6 = 6 x log 3]
3.4 log既應用 [ 3^n=10, n=1/log3]

做一次總結就知自己學左d咩
唔會學左一大課之後一舊雲亂78糟

NOTES一定要自己寫
寫一次NOTES=你記左一次
NOTES最重要既地方係已經經過你既腦一次
係你既腦既PRODUCT
係你經過分析後既產品,學左既野係屬於你自己既

用人地既NOTES係冇用的,原因係份NOTES唔係你自己分析過既野
咁你話我知同睇多次TEXTBOOK有咩分別?

以上講既兩樣野由細到大阿媽老豆先生MISS都教你做
其實冇咩特別,但如果你想會考考A
做好呢兩樣係一個好好既基礎,佢可以幫你係段面節省唔少時間.

3. PASTPAPER

呢個係重點
點解所有考會考既人都同你講一定要做PASTPAPER呢?
好簡單
你去搵3年既MATH PP黎做一次
唔使我講你都知點解

原因係,每一年出既題極之相似
點解會相似呢?
原因都好簡單

HKEAA每一年都係考一班中5既學生
每一年中5學生學既野都一樣
佢考核學生既能力標準每一年都唔會變
咁為左好客觀地用ABCDEFU去反映每一年每一個學生既能力
佢每一年既卷深淺都應該差不多

咁會出現咩情況呢? 就係十年既PASTPAPER考得考去都係個D野
MATHS既A PART考得考去都係計角度,解方程
B PART個5條數考得考去都係個5大TOPIC

冇錯,你睇本MATH好厚好多野
但問題係,你去考會考都係考個幾個鐘
佢冇可能考曬你所有野

咁即係話有D野佢根本唔會考!
點知佢考定唔考? 做PP
做夠5年你就知有咩要溫有咩唔使溫
之後你發現成本書幾百頁,其實真正會考到既野不過係唔到一百頁既野
淨低個幾百頁,你睇一次就夠,唔使深做
只要將要考既野做熟,就萬事大吉

你依家明點解有人平時上讀認真功課交齊但考會考都唔夠人高分啦?
效率問題
人地淨係讀要考既野,你就讀曬成本書
你估大家面對試卷上既題目,邊一個會做得快D呢?

你話效率緊要定係勤力緊要?

4. Marking

單單做會考題冇用,如果你唔知正確答案
咁正確答案係邊?
mARKING囉
點解個個人都搵MARKING? 好簡單
每一個閱卷員[即係改你份卷既阿SIR]
HKEAA都會俾一份MARKING佢
佢就要跟足份MARKING改

你有冇試過,
你明明覺得自己寫既野同阿SIR既答案根本就同一個意思
但阿SIR就係唔俾分你,點解?
因為你既答案同MARKING唔一樣

你自己諗下
一個閱卷員,一日要改成百份卷
佢點會咁好氣同你成個答案睇一次
佢只會睇POINT,只要你個POINT同MARKING上一樣
你就拎到個一分
如果你寫既野同份MARKING有出入 [可能SAME MEANING]
但係個閱卷員一猶疑,再加上佢之前可能已經改左成百份卷
係人都支力啦,明明你岩,佢都可能睇唔到當左錯
因為人地唔會用腦幫你去諗你寫既野係唔係同MARKING同一個MEANING

你想點到
點得分
點失分
點俾分,你就一定要睇PASTPAER
單單做PASTPAPER 係MEANINGLESS
你要明白,有陣時正確答案唔等於標準答案
當然,你可以堅持你既正確答案
問題係個一分你到底要唔要?

5. Anuual report
前4樣野應該所有人都有聽過
但係Anuual report
應該冇咩人知

AP一般都可以係每一本PP [以前係5年題目一本,依家1年1本]
既最尾尾可以搵到

其實Anuual report係一份HKEAA係每一年會考之後出既REPORT
入面既內容多數係講當年個一份卷最多人錯咩
例如MATHS既MC Anuual report
佢會講邊幾條答錯既機會最高

喇,如果你想考A就留心喇
一份卷出得易,個個都90分點分ABC呀
有D題目就出黎分開AB
呢D題目一定係最多人錯,最陰人,最偏既題目
年年總有4,5題

Anuual report入面會ANALYSE點解學生揀得最多既係邊個答案
之後佢會講埋俾你點解學生會錯
[ 佢一般講大家知學生錯D咩CONCEPT而引致佢揀左呢個錯既答案 ]
係LQ中
Anuual report講大家知,咩名詞大家最易用錯
又或者一條5分既大題大家最易MISS左D咩 POINTS

可以話Anuual report
係一個幫大家填補所有MISSING PT既地方
我做完一份PASTPAER睇完Anuual report
第2日番學阿SIR上堂做PP
我就敢買我隔離位邊幾條一定做錯

結果,哈
佢梗係錯曬啦!

最後
我想講既係
做PP一定要做MC先之後先做LQ
MC可以好快咁幫你清曬CONCEPT
另外做一份MC你就知道到底有D咩你識有D咩你唔識
你遇上一D完全冇IDEA既MC就證明你個一課完全唔識
咁你就要快D番轉頭睇喇~!

你可能會話咁樣搞法
讀書就唔係讀書啦
冇錯,咁樣做的確唔係讀書

因為我係講緊考試

好多人唔識得將讀書同考試分開
好多人以為讀書同考試係同一樣野

其實求學不是求分數係岩嫁
我平時番學上堂就真係讀書
真係學野學知識

讀書同考試你要識得將佢分開
讀書就真係拎到心出黎讀你會學到野

但考試的確係有SHORTCUT可以考到高分

希望大家可以讀書讀得開心
考試又高分啦~!

[ 最最後, 考試的確係可以走捷徑
但如果你淨係諗住走捷徑就可以考到好高分只會害左你自己
考試既技巧建基於你到底識幾多野
就好似你踢波想玩插花但最起碼都要識帶波先啦
唔識帶波又點插花?
心術不正,一咪想唔讀書又高分既人,都冇咩好結果]

有咩辦法會考考得好ｄ？？

回答 (5)