✔ 最佳答案
(其實呢O的應該度身訂造,但你同佢背景我都唔清楚,只知佢唔鍾意睇戲,唯有盡幫.)
平時少出街玩最好啦,帶佢去邊都得.
唔想睇戲係正常O既,大家都望住個銀幕,都唔係望住對方.如果你睇戲揀錯戲,或者睇得投入過佢,都係拍拖初期未穩定時O既死罪.佢想睇戲對你仲大挑戰呀.
可以一齊食O野,豐儉由人,平O既麥記雞記又得,中等O的,幾十蚊鋸個扒,再貴O的百幾蚊食個自助餐都得.
食完咪行下靜O的O既地方囉,小朋友走來走去O既公園仔又得,住近海邊O既行海皮又得.
睇O黎你女朋友O係O個O的唔出聲,但係你做得唔好佢又會黑面O個O的(典型冇意見有批評類).似乎當日佢只會好少出聲,你主要負責講O野,男仔要有話題,就要取材自週圍環境.
所以坐O係餐廳你要坐望到街O既位置,行時要去O的小朋友走來走去O既地方(同時可以觀察佢對小朋友同動物O既反應),或者沿海邊行,景象一路變,你就有話題講.
佢唔鍾意出街,有咩興趣?叫佢分享下佢興趣囉.佢集郵,你咪叫佢晒郵票囉.
千祈唔好O係佢強項面前扮熟行,會死得好快.寧願做個乖學生,聽佢介紹,跟佢學O野,佢母性大發,就會鍾意教你O野,你自然有機會.
2007-04-06 01:49:44 補充:
多謝你支持