新手想問相中的三條魚，是不是孔雀呢?

冇錯!!三條都係孔雀魚!
左上角係魚母,右面同上面個兩條係魚公!!
記住孔雀魚有好多品系/顏色同鰭形,所以唔可以用呢d野黎分公母!!
而分公母係睇魚腹部下方個三片鰭,尖長係公,大而似扇係母!!而一般魚母身型比較大!身上色彩多數係冇花紋(不過我家中有一絛魚母身上有蛇紋,係好小有品種!!^^)
一般黎講魚母大約一個月就可以生產一次,仲要好睇健康狀態同魚公夠唔唔夠勤力!!唔夠勤力可能一個半月先會令魚母生產!!
咁幾時先可以放魚母入生仔兜呢??就要留意幾個魚母0既情況!以下係我長時間同多數觀察得出黎0既產前現象!
生產前,魚母會不停響缸邊上下快速游動,之後d水會有小小醒((因為響魚母體內0既魚卵會穿左,d洋水會流入水中,所以會醒醒地))之後,魚母個口同鰓會加快開合!!慢慢佢就會做一個近似(sit up)0既動作,即係頭尾向下彎,背向上拱,有時會相反架!!我相信係魚母幫助魚bb排出身體0既一個動作,之後魚bb好多就會慢慢出黎架啦!!不過不同魚母生產快慢不一,有d3個小時攪掂,有d6小時都未生完!!仲有就係生產數目由20-200不等!!你好好養佢地,總有機會收到200條魚bb架^^
咁如果你見到魚母個腹部下方個三片鰭0既上方(都係腹部)個度好黑((白化魚除外,多數白化魚個度係深黃色的)),什至見到魚bb的眼仔,同時又有上述我所講0既現象,咁就可以放魚媽入生仔兜喇!!!
但要記住,生產完之後,魚母要放返出去,如果唔係會食魚bb架!!另外因為上面我講過生產時會有洋水流入水中,所以生產完之後要日日換1/3缸水同加小小粗鹽,用黎殺菌,以免洋水令水質變差,好易有細菌,令魚病架!!換水日數多數係3-5日左右,之後就可以3-4日先換1/3水!!
如果仲有唔明就再問啦!!

相很不清楚~但外形很似~ 而最近果條應該係孔雀魚~係女的~而埋面果兩條看得不清.但外形應該係男,
分別:女孔雀魚比男孔雀魚肥.體色和鰭較為樸素,而男孔雀魚體色鮮艷,尾鰭和背鰭比女的大.身體較廋.