有咩方法讀書會快d呀?

見你咁樣問法…都知你係想係學習方面進步架喇…咁就要下D苦功喇+__+

其實讀書係要跟住一個有效而且實用兼配合自己既溫書方法,
先可以提升自身既學習效率, 咁樣成績自然有所進步

前提講下你要知道要溫習既時間:--
如果你果日要溫書, 就要有足夠的睡眠
就應該係前一晚早D訓(大約１０：００度), 然後第日早D起身(６：００～７：００度),
洗個面食早餐, 就係一個精神飽滿既狀態(保持精神最佳狀態)下準備溫書, 集中力記憶力都是最好, 讀幾個字等於平時讀成粒鐘所以朝早溫書係特別入腦架！～

首先, 就揀個適合自己既溫書地點:--
I.我同其他人都建議你去安靜的地方如自修室或者圖書館溫, 果度耳根清靜…溫書特別入腦
係靜既地方讀書, 讀果陣可以將資料清晰咁輸入個腦度, 唔會咁易受到外界干擾
II.但係如果你係屋企溫書, 要擁有非常高既專注力, 要諗辦法避開所有影響到你讀書既引誘…唔好乘機開電腦,又去下廁所開下電視 ,所以係屋企要將自己沉浸係書本中,一心一意溫書係比較難

讀書係要靠興趣推動黎讀
如果冇興趣, 就算人地點勸點叫你, 你都唔會去讀
如果有興趣, 就算人地點阻你, 你都會去讀
有興趣讀書就會不斷讀, 自然就讀得好, 讀得好就考得好

愈早溫書，同埋備課對學習係最有幫助
唔好諗住係前一晚無目的咁望住疊書望到半夜３～４點就係叫備課
備課既定義: 係番學前一晚先看書本既內容, 然後將書本入面既重點一項一項列哂出黎
將唔識既野列成問題, 係第日番學問老師, *上課當場瞭解,不會馬上問*再將解答加以分析, 放學之後即刻番歸溫書, 整理番當日學過既野 上堂果時聽明好過落堂之後哂幾倍時間去消化
P . S: 仔細溫重點 , 重複看幾次 , 以求記入腦 , 也可以把重點抄幾次 ,
記入腦後 , 要不斷重複思考問題 , 達到融會貫通

當你溫書溫到某個時間就會突然無哂心機, 記極都唔入腦, 呢樣野係正常…表示你既專注力淨係
去到呢度. 咁你要休息一陣, 去飲杯水, 食D野, 太 支力 既可以去訓,當然唔係一訓訓成日咁樣,
係小休姐~休息完會記野記得好D
唔好長時間溫書(會記唔入腦), 溫左１～２個鐘頭就應該休息下~
最好每日都有幾個鐘左右玩樂,放鬆一下心情。
不過唔好逼自己讀, 例如要溫兩個鐘唔休息之類咁...慢慢黎, 如果溫到累咪休息下囉....最緊要你肯溫, 唔好溫到 支力 都迫自己溫, 到時溫完都唔記得..事倍功半
如果你專注力唔夠, 你始終會諗到其他野做: 走去床睡覺，去廚房搵嘢食，呆望屋外的風光，發
白日夢，在書上畫公仔，自自然然揭雜誌報紙
每當溫完一個ｔｏｐｉｃ或一頁，你可以隔一陣先再溫，出廳行一行，深呼吸；
如果連續溫太耐，反而仲令自己腦實哂，仲會訓著
温半個鐘至一個鐘要停一停抖抖, 飲下水, 眯下眼, 放鬆下, 笑下＾＾, 亦可做啲鬆筋動作,
令自己保持一個好心情, 去繼續「搏殺」
訓練自己專注力就要忍痛唔掂所有娛樂包括電視電腦, 唔出街玩
要維持幾個月, 咁你先可以調節返自己專心去讀書

唔係一朝一夕可以即刻溫書溫得好好的
要一段時間, 最緊要你肯試下, 慢慢你就會讀得好
同埋你唔會討厭讀書

如果你堅持要開夜車既話, 係考試前四、五日開一、兩次好喇
記得考試前一晚唔好開, 因為第日考試個腦會好辛苦，咩都寫唔返出黎ga~~~~~

好多人都會覺得.. 溫得多..就代表溫得熟...錯勒
死背爛背無用架, 要*真正去理解課堂內容*再背, 先有用
背係要背 但唔係瞎背 係要有條理咁背 讀出聲, 反覆咁讀, 效果會好好多
如果想背書背得輕鬆既話可以試下用散步方式..一路行一路背
千祈唔好緊張, ｒｅｌｅｘ D咁背, 越急越唔入到腦
背野要俾多D信心自己, 要同自己講: 「我一定背到@@.!~」

你會發現你要讀書果陣但坐唔定, 頂唔順起身食野, 聽音樂, 看電視, 做其他野..想訓覺. 咁係因為你係度逼緊自己看書,強行把書上既資料輸入腦…
你就算好憎讀書, 都要同自己講:「我好鐘意讀書, 我要讀埋呢課去」
遇到D自己唔熟悉既範圍唔應該一次溫太多
自己已經對果Ｄ範圍冇咩認識, 硬要將Ｄ野記入腦, 個腦會唔聽你講, 整走哂D記憶, 玩作對

做筆記又係對學習有好多既幫助
因為寫緊筆記果時唔止將重點重點抄落黎, 仲可以加你對課文既認識同埋記憶, *可以縮短大量的讀書時間* 再溫果時就好容易入到腦

2007-04-06 13:54:53 補充：
讀書係重視讀書效率 而唔係注重讀得幾耐 冇人話讀得耐就代表一定讀得好
有些人只用半粒鐘讀好過一個讀成晚晚但係心不在焉既人

早睡早起精神好!
一早起床就溫習,會記得好d既...
溫到攰既時候就做下運動, 可以提下神~

溫習從來無捷徑, 除非你係上堂聽明晒老師講咩既人.
上課要多留心聽書, 有甚麼不明白就要立即問人.
每日花一點時間專心溫習一天教過的東西, 溫習時要有適當的休息.
考試前定下溫習時間表. 如果考公開試, 除定下溫習時間表外, 亦可多做歷屆試題及留意試題趨勢.

知邊d 係會考得多d~ 重要d... then 係咁溫o個part
知邊d 廢廢地.. 就溫小d 囉~