點解手提電話接收會有盲點?即係接收唔到訊號的地方

1. 點解手提電話接收會有盲點?

Ans:因為手提電話發射訊號係用蜂巢式發射，訊息網絡覆蓋唔到個位置，而且有部份地區重疊時有遺漏，所以電話接收會有盲點。

2. 點解大部分電梯都會收唔到? 但係有d就仍然收到?

Ans:因為電梯係一個鐡箱同埋電梯槽係一個密封的石屎窿，一般電訊波係唔能夠穿過，所以係電梯正常係收唔到手提電話，而現在有一些電訊公司就利用安裝在大廈的接受及發射器(即轉接器)，安裝在升降機房頂或有機會可透部份空隙將訊號傳入電梯內，所以有部份電梯或有部份電訊公司可以係某些電梯收到手提電話。

3. 有d行山地區又點解會收唔到? 據我所知東涌上昂平的一段路就是收不到的

Ans:同第一條問題一樣。

4. 點解手提電話服務供應商唔去解決呢個問題?

Ans:其實手提電話供應商唔係唔想解決問題，而係以上問題如要解決係需要好大量金錢，因為需要舖好長的訊號線，而係果d地方唔係咁多人用，要用大量金錢去滿足少數人，佢地又覺得唔值，所以佢地係唔會去解決，除非該位置將來會成為新市鎮，如果唔係都好難會令到d供應商會做，不過據我所知香港電訊的手提電話服務已經覆蓋全港99.9%地方，應該都無乜盲點，不過當然月費費用一定貴過其他供應商啦﹗