好擔心喵喵 (2) ~~

唔知點解, 睇完你個問題之後, 都有d唔係好開心tim, 可能因為真係有d束手無策啦, 再加上, 你貓貓只係相信你一個, 而你係無辦法既情況之下, 又考慮放棄佢係你媽媽度, 我諗, 大家都唔係咁想有呢d件事發生！

我希望我既答案可以幫到你少少啦！

1. 貓貓體形如果係女仔既話, 一定係會俾男仔較為細小, 所以你唔使咁擔心！

2. 唔知你帶新既貓貓返黎既時候, 有無將佢地困籠先, 因為如果無既話, 原本既貓貓就會有妒忌心, 而且仲會好記仇, 所以, 會有d咁既行為出現都唔出奇！

3. 其實有d貓貓都幾神經質嫁, 好似我有一隻貓貓咁, 養左佢10幾年, 到今日為止, 無論d人行過又好(屋企人), 真係餵野俾佢食都好, 佢都係會出抓抓我地, 但係咁我地都無諗過放棄佢(我屋企係唔止一隻貓喎)！而佢出現噴尿呢個情況, 可能佢真係好驚 (會唔會其他貓貓係無人既情況下蝦過佢呢?), 又或者係專登噴d尿出黎話你知, 佢好唔想見到佢地, 叫你留意一下！

我知道你而家個心情, 除左擔心之外, 仲好矛盾, 一方面驚佢身體唔知出現左咩事, 另一方面又怕佢返到屋企後, 又會發生呢d情況, 我唔知點可以幫到你, 但係, 換轉係我, 我已經咩都唔理, 盡我所能去解決！ 唔知你有無聽過animal communication呢? 即係可以同離開左& 在世既寶貝溝通, 我隻寶寶係2月中離開左我, 後來, 我揾我朋友幫我聯絡左我隻寶寶, 或者, 你可以試下搵我朋友幫手, 睇下佢可唔可以同你隻貓貓傾下, 睇下發生咩事, 以下係我寶寶個case, 另外仲有一d我朋友所做過既case, 睇完希望幫到你少少, 如果你有需要搵我朋友既, send e-mail:[email protected]俾我, 再傾啦！

http://hk.myblog.yahoo.com/meow-yan


祝你貓貓身體健康、快快樂樂！

唔建議你再帶ban ban 去另一個新環境.只會令佢梗緊張梗加唔適應.
我以前養開五隻貓係一家嚟架,係2000年有人比隻當時係两歲幾嘅波斯貓我.
係頭一年佢地都打到七晒彩,係真打架唔係玩玩吓,仲要打到三幾個月就要帶隻波斯貓去睇獸醫,耳仔,尾,肚腩,腳,面脥都傷過,仲有两次係要做手術,唔知嘅人仲以爲我虐待佢添.連器醫都同我講唔想再見倒我.
其實我都好心痛架,因爲隻波斯貓之前有两個主人,在不同原因下唔要佢,到我已經係第三個主人喇,原本諗住比幸福佢點知弄巧反拙,好心做壞事佢傷口痛我個心仲痛,好彩一年之後佢地都算某個程度上適應倒.　
雖然隻波斯仔衣加仲比佢地"蝦",有好野食要佢地食先,有時其它貓都走埋去閙吓佢,波斯仔有時都驚到"吞"架.但係有時波斯仔係盛怒或者係我地撐之下都會追番佢地嚟打架.係我威迫利誘之下先至有咁嘅成續.衣加都無乜打交喇,我總算老懷安慰.
尼件事都好困擾我,所以我都請敎過我嘅獸醫.佢答我有D噴濟係比D貓可以鎮靜D.結果我都無買到.因爲唔想用尼D野始終都係有藥嘅成份.
ban ban 唔多唔少都有D精神問題,至於D "hei&qu ot;~~聲係因爲佢覚得唔安全同有威脅嘅情形底下之發出尼D聲音.
尼段係困難時期你一定要撐住,ban ban 係靠晒你你係佢嘅唯一.所以你要努力,加油,再努力再加油.希望你好快咁話比我地知你同ban ban 已經無事喇.　　　

好無奈，我也有相似！我家有好多貓，又是不和，有一隻和另一隻常打交，又四圍疴尿。最終搬去第二度由呀媽睇佢，但佢好開心！但你唯一不同的係不是你呀媽自細睇大佢！咁你能時常回去探佢嗎？

2007-04-04 15:20:33 補充：
應該話但佢開心咗！