想學花式溜冰

1.
首先我覺得你要克服自己既心魔! 如果你同你自己講 : "人人都望住你... 你好尷尬! " 咁樣你永遠都會覺得好唔舒服, 可能最後都係會放棄!

其實一個人真正比心機溜冰既時候唔會周圍望架! 所以你唔需要對人地既眼光太在意!
同埋我始終覺得你唔會太遲學! 你以前都叫學過架嘛! 又唔係七老八十,,, 同我一齊溜冰既人都有 d 20 幾歲,,, 又係以前學過,,, 最後咪又係無問題! 最緊要你要過到你自己個關!
我甚至見過 d 呀伯學花式添! 佢地如果跌親都幾大獲架,, 但係佢地都夠膽當住咁多人戴住個頭盔學溜冰,,,, 呀伯都可以,,,, 相信你都一定可以架!

2.
日日拉筋當然有幫助啦! 唔拉筋 d 筋自己又點會軟呢? ^^ 不過你拉筋既時候要小心 d,,, 唔可以太心急架,, 始終 d 筋係需要慢慢咁拉鬆,,, 如果唔小心拉親可能手尾長架! 我建議你可以首先試下係張床上面拉... 拉下前腿呀後腿呀咁,,, 慢慢黎,,, 如果覺得好左啦就可以試下係地面左! 因為張床軟 d 做起黎會容易 d 架!

3.
我唔係好知道你講個 d 跳起旋轉再落地確實係幾多級,, 因為其實由花式3級開始就已經有 jump 係旋轉1周落返冰架啦! 6級開始就有 double jumps [旋轉2周],,,, 再勁 d 世界級既人甚至可以做到 triple, quad 等 [旋轉3,4周] ... 所以我就唔多清楚你所講既大概係幾多級,,, 可能係3級,,, 可能係 8,9 級都未定! =D

每個人學溜冰既快慢都唔同架! 因為溜冰好睇你有無天份同埋肯唔肯付出努力練習,,,
練得多, 自然學得快 d,,,
快同慢既差別可以係好誇張架!
我識一個朋友佢學左溜冰 8 年... 都係花式 4 級,,,,,,,,,,,,,,,,,,,,,,,,,,,,,,,,,,,,,,,,
不過我亦都有朋友1年多 d 就 4 級....... 都係睇你有無心學同埋你有無付出架姐 ^^
不過平均 d 黎講,,, 既然你已經學過曬最基本既溜冰技術,,, 咁你學返既時候就唔需要從頭黎學過,,, 可以學得快 d 架!
同埋你已經唔係小朋友, balance 呀協調能力個 d 都可能比人地好,,, 我覺得2年內應該可以去到 4級既,,,, [純碎約略估計]

我自己就15歲開始學溜冰,,, 個陣咩都唔識,,, 連向後溜個 d 都完全唔識,,, 不過用左大概3個月時間倒就正式學花式 ,,, 年幾後就大概5 級....

順帶一提,,, 如果遇到一個好既教練同你學既速度會有重大關係架,,, 有 d 教練唔知係咩原因會好鐘意拖慢你,,, 我曾經有個朋友學左成年基本功個教練都未教佢花式,,, 後來轉左教練之後先開始學得快返 d....
我建議你上私人班[自己一個上]或者半私人班[2,3個frd 一齊上] 好過團體班 [5,6個唔識既人一齊上]
團體班通常都要就住每個學生 d 程度, 有排 dum 你時間,,,, 一定學得好慢...
相反, 上私人班或者半私人班既話,,, 教練會睇返你既程度黎教你,,,
雖然私人班貴 d , 但係 efficient 好多
計返仲扺過團體班
你仲可以避免同 d 小朋友一齊學咁尷尬

仲有1對好既冰鞋都好重要架! 如果你學到一定程度,, 就應該自己買1對冰鞋,,, 因為公鞋唔適合玩花式, 承托力唔好,,, 把刀好 ' 頓 ' .... 容易 'sin' 刀.... 會好危險添! 更加莫講話拖慢自己進度啦!

講左好多野添,,, 希望可以幫到你啦 ^^ 如果唔明可以問我架 =]

3-5years

日日拉筋有幫助(我也是這樣)
另外見到平時冰場d人成日都跳起旋轉再落地...
佢地係咪學左好多年先有咁既成果呢...?
當然唔係!