是否能繼續運動, 當檢查身體發現有水瘤或朱古力瘤?

✔ 最佳答案

我覺得你而家首要做o既唔係懷孕﹐而係確定你o個個瘤究竟係乜野!

我識得兩個人都有朱古力瘤﹐亦即係子宮內膜異位。

A小姐兩年前開始覺得下腹對下有小小痛感﹐照過超聲波都查唔到病因。後來睇專科再照陰道超聲波... 先知道左邊卵巢有一個少於2cm o既囊腫﹐確定為子宮內膜異位。由於size小於4cm而且A小姐未有懷孕準備﹐所以醫生冇建議A小姐做手術﹐只係每半年照一次陰道超聲波觀察住就得。平時A小姐就要食避孕丸﹐減少每個月經血流量﹐減慢囊腫增大。

B小姐半年前做身體檢查就發現佢卵巢入面有個7cm o既朱古力瘤。7cm算係好大﹐如果唔割左佢就會破壞卵巢。到時唔止不育﹐仲可能提早更年期! 所以B小姐上年就割左個瘤。

即使割左﹐個瘤都好大機會生返! 因為只係清除左個囊腫﹐但子宮內膜個窿無法修補﹐個個月d經血都會流入去﹐慢慢個瘤又會生返。唯一治本o既辦法就係懷孕﹐可惜﹐子宮內膜異位患者偏偏最難o既就係懷孕。所以﹐好多患者都要有醫生協助下先可以順利有BB。

總括A﹑B小姐o既經驗﹐我建議你快d做個陰道照聲波﹐確定個囊腫係咩性質。如果係水瘤﹐就問醫生睇下需唔需要割。如果係子宮內膜異位﹐就要睇下個囊腫有幾大﹑會唔會對卵巢或生殖系統做成傷害。曾經有人有朱古力瘤都唔知﹐結果個瘤跟住血液流動﹐依附左o係個肺度! 後來患者嘔血﹐照肺先知原來係子宮內膜異位。雖然依個係extreme case, 但你都要引以為鑑﹐快d照左佢先啦!

據我所知有水瘤或子宮內膜異位都唔使戒口﹐但要少食影響荷爾蒙o既藥或食物﹐ e.g.當歸。做運動應該唔會有影響... B小姐識得有人有兩個9cm o既朱古力瘤﹐做yoga都冇事。既然你有咁o既情況﹐應該避免做依類型運動﹐問過醫生先繼續囉...

其實你又唔使咁擔心o既﹐依兩種病都好普遍。我建議你睇多個醫生﹐尋求second advise. 雖然唔係咩大病﹐但睇多個醫生確定下﹐你自己都心安d啦!

祝你身體健康﹐成功懷孕!

是否能繼續運動, 當檢查身體發現有水瘤或朱古力瘤?

回答 (2)