急急急...俾隻狗仔搞到冇覺好訓

新到陌生環境嘅小狗會感到冇安全感。所以他晚上嘅悲鳴係佢不安嘅表現。如果小狗唔係肚餓、凍或者病嘅話，你今晚可以試下咁樣做:
1) 如果小狗喺籠仔裡面瞓覺，俾塊布佢瞓在上面。再用大毛巾或者布蓋住佢個籠，等佢望唔到出面，增加安全感。
2) 關上燈後，如果佢嘅悲鳴仲未停。你坐喺佢個籠旁邊(keep住塊布蓋住個籠)，細細聲同佢傾偈，叫佢唔駛擔心，你會陪住佢。佢會慢慢安定落嚟架喇。之後你先靜靜地離開個籠去休息。我通常要坐15分鐘。

我隻依家4個半月，佢兩個月返嚟嗰陣同你隻小狗一樣嘅情形。俾啲耐心同時間佢，等佢佢覺得自己一個嘅時候都好安全，接受咗呢個都係佢屋企，就會定落嚟架喇.唔駛咁擔心。

希望幫到你啦。

2007-04-03 08:31:09 補充：
另外佢唔飲水唔駛太擔心，如果你係浸糧餵佢嘅話，可以喺佢啲糧度加多啲水餵佢。慢慢佢就會自己去飲架喇，我隻小水怪初初都唔飲水架。佢向住你擺尾係友善嘅表現，你用手摸下佢，同佢傾下偈，玩下。佢就好開心架喇。近日有個報導話，開心向右驚怕向左里雅斯特大學和巴里大學三名專家，從狗隻訓練學校找來30隻不同品種的狗狗。在牠們面前展示不同的照片，包括主人、貓仔、陌生人，以及德國牧羊犬等大狗。他們發現狗狗看見主人興奮莫名，尾巴偏向右邊狂擺，見到陌生人右搖幅度較小，見貓就微向右搖，但看見陌生大狗，心驚膽跳想逃走，尾巴會偏向左搖。英國太陽報每日電訊報

你可以嘗試放個鬧鐘係佢隔離,因d狗狗書說鬧鐘就好像人的心跳聲一樣,
狗狗聽了會覺得有人陪伴自己,因狗仔兩個月真的很BB,最好就係放件有
你氣味既衣服陪埋佢訓覺,咁佢個心就會安定晒同埋冇咁驚啦!因為我之前
都同你一樣,所以買左好多狗狗書睇,真係word 架,你試下啦!
佢fing尾係希望你注意佢,同埋表示見到你好開心,希望你陪下佢!
可能佢重係BB,所以想嗲你餵佢飲水水呀,佢地其實好醒架,知你地錫佢,
佢就會尊燈整d野出黎,例如唔食糧或唔飲水等,等你地留意佢餵佢食&飲水,
咁佢就可以親近你地嘛,其實佢地真係好須要人多d既關心,佢地其實就好似BB仔一樣,
因為佢地既狗生只係匆匆十數年,而BB既歲月更加快過去 ,希望你做個好主人,
比多d關心佢,等佢既狗生可以快快樂樂咁渡過!!!

基本上細種狗係特別黐主人，再加上佢仲咁細，去到一個陌生既地方一定未有咁快可以適應到新環境，所以當佢見唔到人就會悲鳴，需要主人的關心。你可以試下夜晚將佢個籠搬入你間房，等佢可以見到你，等佢覺得主人係佢身邊，有番安全感咁佢就會安心瞓覺架啦。有d狗仔日頭瞓得多可能夜晚會好好精神唔想瞓覺，咁你可以俾d玩具等佢可以有野打發時間，玩到攰佢自然會去瞓覺，以下的網頁可以找到相關產品:
http://www.pet28.com/profile.asp?id=15445
http://www.pet28.com/profile.asp?id=5839
http://www.pet28.com/profile.asp?id=15451
http://www.pet28.com/profile.asp?id=2395

BB狗要 attention. 夜晚全部人訓晒佢可能唔慣. 悶. 孤獨. 所以叫. 試下比佢入房, 近人氣 D 既地方佢會安心 D

唔飲水對新狗BB 唔算唔常見. 佢多數係怕陌生地方. 你用手指點 D 水, 濕佢個鼻. 餵佢飲水. 佢慢慢就會識自己飲.

fing 尾係開心. 佢望住你 fing 尾係想你理下佢, 摸下佢

如果唔飲水問題持續, 或者唔食野, 大便唔正常, 嘔, 要即刻睇獸醫

2007-04-03 08:04:55 補充：
BB 狗返屋企幾日, 一定會未慣你生活習慣. 佢唔會知道夜晚冇燈 即係訓覺時候. 所以對佢黎講, 你地訓左就可以丟左佢咁. 而且史納紗係 D 較黐身既狗狗. 頭幾日你真係要成日睇住佢呀!