放長糧和定時喂糧對貓咪有什麼不同效果??? 那種方法較好???

記得之前看過一些資料，其實擺長糧和定食糧沒有一定的界定，主要還是看你的貓貓自身的情況！

一般來説，18月以下的幼貓，有必要擺長糧，主要是發育期的幼貓需要大量的養分及更多的吸收，擺長糧有利於它身體發育及生長需要，而且，貓狗不同的是，很少有貓崽晤識飽，貓崽不會不停的吃，直到吃完爲止，對於幼貓來説，一般是少食多餐，好像一天最少五餐，如果你有大量的時間，可以選擇定時喂餐，如果沒有，擺長糧比較好，讓貓貓自己進食！只是要注意貓糧的新鮮，一般擺放太長時間或隔夜的貓糧應該及時更換！至於分量，只要留心觀察，很容易掌握，避免浪費！

如果你的貓有肥胖的跡象，那就要定時喂糧，而且要注意分量或者是否選擇減肥糧，如果有其他疾病：糖尿病或者結石等，都應該選擇處方糧並定時定量餵食！

要睇返主人的生活習慣,如果你長時間唔係屋企又或者唔定時返的話,長糧會比較好d,

但我就一日定時喂3餐,朝早起身喂乾糧,份量大約每隻貓3湯匙,佢大概會食到2-3點就食完,放工返到屋企8p.m.就喂罐頭溝餅,1/3罐罐頭加1.5湯匙乾糧,我d貓就一定食完,12p.m再比一次乾糧2湯匙左右,朝早起身就食完

我d貓由8個月到3歲,定時喂糧就同我食曬,放長糧就食唔到一半,不過隻隻貓唔同,你可以每個方法都試下

我經驗就係定時餵會好過長期放喇，一來定時餵可以養成佢定時食野既習慣，二來可以控制佢食量，三來我覺得會乾淨d，因d糧會惹蟻，所以我兩隻喵喵都係定時比糧佢地。

放長糧容易使貓貓肥胖,而且亦唔係太衛生,有時會容易使貓貓對舊糧生厭,定時放糧可有效控制貓貓飲食及習慣,冇咁容易至肥,而引起其它身體上的問題。