可憐下我一家 入黎幫幫我啦

我好同情你。唔知是否幫到你。

如果是簽了正式合約，是有法律效力的，但只屬民事訴訟。最怕是放貴利的並非善類，根本唔會理法例點講，又唔理你是否無辜，佢收唔倒錢就無辜喇！
如果你爸爸沒有再結婚，同居生私生子唔算重婚的。你地可以告佢恐嚇你媽媽使佢在生命受到威脅的情況下簽不合理的合約。但你們應先準備好所有證據，例如記下報案的時間日期、贍養費的過數記錄，家庭日常開支記錄等等。

1. 申請破產可以免除能力不能繳清的債務。是可行的方法。到時法庭會安排『執達利』(即負責清算你家財的工作人員)去封屋；而你們應預先找社會福利署申請上公屋。事後貴利公司或者會唔理會你是否破產，照樣騷擾你，除非他們找不著你們，要先有心理準備。

2. 以你現時的情況，最快的方法是找附近的警局查詢，有些警察好好人的，又或者去找區議員查詢，或者找慈善團體的社工去幫忙，政府的社署唔夠人手(或者會愛理不理的)，靠唔住。因為你媽媽被人打，屬於家庭暴力案，可以優先處理的。在好緊急的時間可以去投靠『協青社』，可提供臨時留宿的地方。

如果以上方法都不行，去問銀行借錢填數，就會公道一點。你媽媽要上班，你要應付考試，你們應找個可信賴的人去辦事。

希望你可以盡快解決這事，天無絕人之路，經一事長一智，要積極面對啊！

2007-04-04 21:11:30 補充：
告了你爸爸通奸並不等於解決了事情。不要在這時白花時間。通常以通奸的名義可以免除離婚時分居兩年的條件，現在不影響你們，至於在內地有沒有懲罰我不清楚。個人訴訟只要犯法的不是你，應不會影響申請政府職位的。要告你爸爸唔比贍養費，法庭又會再要求佢比錢的，但好少有其他懲罰的，而且他人在內地，實在好難追收。應向社工查詢如何做。

1.no.1&8：呢d 叫送契，個律師會問清楚雙方，如無問題，個律師會正式做番張契比你阿媽阿爸簽，每人一份。但上庭前會有個調解員問清楚你地d樓點分、瞻養費幾多、d仔女又點，因為唔想浪費納稅人d錢。傾好後先上庭，到時個官判律師費，有d case知你地有層樓，要雙方共同負責，有d只會要男方負責。
2.no.2&4&5：破產層樓就變成銀主盤，因為無錢供。銀行只會放你地欠層樓個價比d人買，譬如你地爭20萬，銀行就放20萬，夠數就得，一般唔會幫你賣好多，因為你只係欠佢地咁多。變咗銀主，你爸同你媽都無著數，仲要比手續費銀行喎。
3.no.2&3&6：收數公司理得你係咪破產，不過，佢地一般都係想收番條數，唔想迫死個債仔，佢地一般會同個債仔傾，還幾多期咁囉。收數公司搵唔倒你阿爸還就搵你阿媽囉。除非你一家大細唔要層樓比番你阿爸，靜雞雞搬走囉。(諗清楚先好)
4.no.7&9：法庭只會用不合理行為charge你爸，唔算重婚，但係大陸就可以郁佢，因為佢同個二奶一齊住，仲有個細路，大陸係唔得o既。佢要再結婚，就要o係香港攞寡佬證先可以返大陸再娶，佢o係香港一日未攪掂，一日都唔可以同個女人結婚。(關於錢同上)但係你話你爸打你媽有報警，用呢個作為還一半錢o既理由，收數公司唔受理喎，人地真金白銀借比你，理得你比人用槍指住定自願吖，佢地最緊要係d債仔還錢囉。
5.no.10：如實據報，唔會有咩問題。除非你考紀律部隊啦，要查家宅囉。
6.你地賣咗樓之後，要兩年之後先至可以申請廉租屋，你要搵d社工幫下手(其實我唔係好信社工，因為真係幫唔倒你d咩嘢，我就試過喇)，睇吓可唔可以早d上樓，遠d咪遠d囉，到時你阿媽就唔駛咁辛苦。你就要比心機讀書，知識改變命運係無錯o既。大家省住用，少d去街，要買嘢就儲錢買……。

請問住在那一區，例如住在沙田愉田苑居屋，就請向該區區議員求助，今年是區議會選舉年，他們應該會歇誠為你服務，如果區議員幫不到你，那你可以升級聯絡新界東(如你住在沙田)立法會議員，他們包括立法會議員及區議會議員都是收取香港納稅人的薪津，他們絕對有責任為香港社會弱勢家庭提供服務！如有疑慮請聯絡[email protected] ，請放心，香港是一個繁榮安定的社會，香港人是一群守望相助的熱心人！