唔明揸點自動波............

問題1:上斜時係咪真係可以踩住油門轉3波? 當然可以。問題2:落斜時係咪真係可以踩住迫力轉3波?當然可以。 問題3:我到現在都覺得轉波就一定要踩迫力去轉波(唔理上斜定落斜)係咪呢?No, 自動波係唔駛踩brake既。問題4:我係燈位前幾米轉綠燈轉黃燈,我咪踩迫力轉3波,慢慢停又停到!我咁做有問題??唔見有問題。問題5:自動波車係咪行往D波好呢(唔理上斜定落斜)?基本上一個D波行晒，唔夠力先轉3波。

我有卅年經驗，我最近十幾年都係用自動波車，其實一般係可以用"D"波走天下，而且就算上青水灣都無問題，之前我用歌露娜1.5cc都可以一馬當先，現在CAMRY 2.2cc 就更一支箭咁啦，都係"D"波都可以行晒，當然一腳地台油再睇轉數收放一下就可以，平時心急在慢車時大腳一伸都會 cut down 如果唔理想就拉落 3 都可以，用 2 的機會唔多，好慢時又好緊急突發加速才會用到，我估計係你架車有問題啦，慢車轉波唔係一要用迫力，什麼時間都可以就算轉後波都唔會有事，有電腦控制唔會有反應，長時間落斜坡應該拉 3 波，再唔夠慢就用 2 波，唔好太長時間單用迫力，唔轉波當然唔會傷車如果落斜會傷迫力又唔安全快速更不易控制就真，如果高速公路入彎前應用少少迫力再入3波立即加少少油就更快有反應而且會好定，如果唔係急速停車唔轉波都無問題，高速公路就轉左更平穩同易於控制‧

試下換風隔/油隔/機油/火咀/波箱油啦，上一手車主佢可能好耐無換特別係賣車前更唔會花仟多元啦，換左可能會好好多，基本上無可能上斜途中用 1 波，除左座滿人又好斜好長前面又有慢車，我只試過一次用1 波其實唔心急 D 波都可以行到的，注意唔可以行太長時間要睇轉數或聽車頭都知道，一加速就要轉 2 波 .
補充內容 針對問題內容的不足做補充，請輸入純文字，限300個字之內。

如果唔轉波會傷車? 咁那架車就唔好要啦，現在科技全電腦控制，我刻意轉錯波都無事，就係電腦知道錯所以無反應，電腦唔會萬能實際情況當然由更聰明的人類去控制，我都有講唔好長期用迫力要拖低一個或再低一個波.


[但係話你知八九十年代耐唔耐都有架重型車落斜時剎車失效炒車,原因就係過度依賴剎車去減速]...這位仁兄都唔知想講咩東東，現在無因為無迫力炒車咩，這幾日都有幾單大野啦，問題係有幾個呀：
1) 保養唔好，包括用什廠皮/光頭呔/氣壓唔夠或唔平均
2)車速太高
3)貨物太重
4)太長時間用迫力，而迫力的動力係行車時充入的風，用的太過量當然就唔夠風啦.

落斜時係咪真係可以踩住迫力轉波　－　係　－　正常
落長斜轉低波，正常及安全
但上斜轉波？
何必要自動波　－　自動波系統故障

自動波車唔轉波唔止傷車仲好危險囉.
好多抯左好多年自動波車既, 都會以為D波係可以行晒唔使轉.
基本上冇錯, 因為D波代表車本身會幫你揀波段,
但係準則係當時既阻力同埋油門位置,
所以落斜時BRAKE失效炒車既機會都幾大.
不過上斜時, 就可以等佢自己揀, 咁最多都係唔覺夠力.
落斜時, 因為架車冇阻力, 咁個波箱會上波到四/五波,
高波落斜有幾危險依家冇乜人知,
但係話你知八九十年代耐唔耐都有架重型車落斜時剎車失效炒車,
原因就係過度依賴剎車去減速
學車都話啦, 低波落斜丫麻, 對個剎好O的, 佢可能第二時救你一命架.
返去你既問題,
第一: 冇錯
第二: 冇錯,
第三: 其實唔使
第四: 冇乜既, 不過橫掂落波就落去2波咁會有多O的引擎阻力停車. 夠時間唔用剎車都OK
第五: 上斜就係, 落斜就轉到3/2波
(甚至一波直至架車唔使俾油都可以自己行你要既速度)
賣車果個冇點你.

2007-04-06 16:18:22 補充：
如果唔轉波會傷車? 咁那架車就唔好要啦，係呀, 如果係波箱出事, 架車梗係有問題啦~我係指剎車會傷, 之後都有講點解啦[但係話你知八九十年代耐唔耐都有架重型車落斜時剎車失效炒車,原因就係過度依賴剎車去減速]...這位仁兄都唔知想講咩東東，現在無因為無迫力炒車咩，這幾日都有幾單大野啦，問題係有幾個呀：

2007-04-06 16:18:46 補充：
頭三點都冇錯, 依家車出問題炒車好多時的確係超速/輪吰保養做成.但係話到明brake過熱 (斜路尾出事), 好似冇喎.依家剎車比以前好, 好少因為長時間剎車而出事,但唔代表可以長時間用剎車.柴灣既"長命斜"以前都囉過幾條命啦~ 你應該知架?入西頁果條斜路都死過人啦, 係咪?所以第四點前部份都冇錯.

2007-04-06 16:18:58 補充：
不過迫力既動力係行車時充入的風? 你指重型車? 重型車就唔知勒至於私家車, 私家車應該係brake油推卡鉗咬落隻碟度,brake油過熱時就失去佢可以提供既壓力,之後brake 失效出事.我認為抯車, 識得波段有咩用絕對係好過乜都交俾D波囉~

2007-04-09 18:24:33 補充：
照計上斜唔夠力佢已經會自己轉去三波二波咯喎......不過唔夠力咪落波囉, 波段控制靠機器係唔及人腦咁生動