唉！都唔知揀乜狗好

我建議你去認領會好d,因為啲被遺棄嘅小狗好慘,我聽聞動物協會呢啲機構因為資源缺乏,加上好多狗仔其實都冇人領養所以佢地收到呢啲被遺棄嘅動物,如果兩星期內都冇人認領就可能會打針人道毁滅架喇所以都幾陰公.....所以你當積福幫吓佢地總好過出去買囉.加上我最近有朋友响旺角一間黑店買咗隻八哥,開頭好精靈點知過咗幾日隻小狗又疴又嘔好病,我朋友帶佢去睇醫生點知隻小狗原來患咗嚴重嘅狗腸熱(應該係狗瘟嘅一種),醫生話太嚴重救唔返所以最終.....後尾問返先知原來呢隻小狗同一籠嘅小狗全部都有事,後尾我朋友上網check返先知原來呢間黑店係有前科成日幫啲小狗打針等佢地响某段時間有異常興奮嘅狀態然後等你買嗰時就有錯覺隻小狗好活潑好動,點知返到屋企後就出事.....點都好啦始終任何寵物都有生命,所以你所作嘅任何決定都會直接影響佢地嘅一生,所以養前一定要三思呀!!

其實揀狗都係合眼緣既..
如果搵到隻俾人遺棄犬你又中意既咪幾好..
狗狗又開心有你錫你又有隻狗又平d