救命！我係屈臣氏畀MP17屈錢呀！

錢都比左, 其實真係無計, 當買一個教訓law, 下次唔好啦, 我成日見佢地拉客做問卷, 又拉住d 師奶, 都替佢地慘, 又比人鑿一筆, 如果用相同價錢我可以買其他好d 的牌子, 唔駛用咩mp 17 啦。
而家唯有望你的皮膚o岩用law, o岩用咪用左佢, 如果買成千蚊野, 有好多的話, 都值既, 因為出面d 牌子(好少少的), 全套洗臉都要咁既價。

錢係無得退格, 真係唯有自己食。
d sales 都係打工, 一係佢地死, 一係消費者死, 咁做sales 無單開都係等乞米,所以都要原諒佢地。不過如果佢地講明, 令消費者有一種心甘情願下拿錢出來買才好痳.

我都有買mp17 但係我整係買左支洗面 好似係唔錯 我臨走個人都係唔叫我買其它野
不過我無買到 做售貨員係咁嫁啦 最緊要都係自己夠定力0者 好似我咁我比佢講幾講都晒左二百幾 我都覺自己定力唔夠啦 你仲想退錢添 呢D都係你自己既問題 佢多數都唔會退比你嫁啦

唯今之計﹐只有去消費者委員會死 lur﹐ 話你在不自願的情況下買入那些產品﹐另外可以查下 mp 17 的香港代理地址﹐看看有沒有可能攞番些少。

下次企硬 d

EPS 過左數﹐錢就去左他們的戶口。