✔ 最佳答案
我有個朋友的情況同你好似, 佢一到考試就好緊張, 令到佢考試時識都變咗唔識做. 我諗你可以...
1) 放鬆些少, 唔好太緊張. 考試之前深呼吸, 比自己冷靜dd.
2) 如果有reading time, 用段時間好好咁睇晒整份試卷一次. 如果可以寫字, 就立刻寫低d point form. 等正式落筆時, 只要睇到d point form都記得要答咩.
(如果冇reading time, 都抽少少時間睇份卷一次. 因為睇過一次, 知道問咩後, 你心理上會冇咁緊張的. )
3) 如果遇到唔識答的問題就飛, 做晒成份卷先再去諗條問題. 唔好將所以時間比晒唔識的問題. 因為時間一唔夠, 你又唔可以答你識的問題, 而且你又會緊張咗. 就算本來識答都變唔識啦!
4) 有時間就check一次所有答案. 特別是數學測驗時, 好多時check一次後都會發現自己原來有d地方計錯咗的.
5) 唔好用塗改液. 有錯就直接用筆刪去, 唔好浪費時間用塗改液.
6) 當然你都要好好溫書啦! 溫到好熟就會無咁驚啦!
以上就係我自己的方法. 希望幫到你啦!