當餵人奶時, 如bb睡着了應該怎樣做令bb可以繼續飲奶?

你同我一樣呀...我個bb又係餵親奶都訓覺...我問過好多人,都叫我同BB傾偈,細細力拉下佢腳趾仔...或者用兩隻手指係佢背脊由下至上"行路"咁...你可以試下

我問過唔同姑娘,有一個話如果餵到20分鐘都算ok,可以由佢訓...(但係我之前次次都餵唔到10分鐘)
另外一個姑娘同我講話餵人奶冇時間架喎...BB食左得5分鐘訓著左由佢訓...但係佢會食得密d,可能半個鐘又要喇...佢幾時肚餓你就要餵佢喇。唔好睇鐘呀...

要知道BB到左兩星期、4-6星期、3個月同6個月都會有1-2日叫快速生長,佢地會食得好多又食得好密...嚇到你驚唔知佢點解岩岩先食飽完,訓左一陣又肚餓,係正常架,通常維持1日至兩日既...唔好驚唔夠奶,因為某程度上個乳房會收到訊息之後做多d奶,你要對自己有信心呀。

不過佢食完唔好即刻放底佢落床...抱一陣,同佢掃掃風,好緊要架...或者如果你攰呢就放低佢但係唔好平放,側少少咁放,你可以搵一條細毛巾放係佢背脊同佢定位...如果佢個胃未發育好,d奶好容易流番出黎成為吐奶,有時唔好既會嘔奶添,側放呢d奶就可以係口角流出黎,咁唔會咁容易濁親...

不過有一樣野一定要話你知,係對你好架...我就係因為冇人教我,攪到我好多野都唔岩,要做多好多好多野先攪番好...BB訓著左真係最好最好可以令佢再食,食到飽飽,最好係清到至少一邊乳房,如果唔得既話,bb飲唔哂兩邊就要pump清哂d奶呀...每一次餵完都要清哂乳房d奶,如果唔係d奶既製造量就唔得好...有時谷奶谷到痛,唔好既話會做成乳管阻塞...

我之前冇清好乳房,成日都谷奶谷到硬哂,都唔緊要,BB餵之前按摩下,整哂少少奶出黎等佢冇咁硬就ok,但係有時夜晚佢訓得好d,4個鐘後個乳房好硬,佢一喊怕整醒人地,咪即刻餵囉,咁就慘喇,乳房好硬BB會吸得好辛苦同好用力,咁就整到我個乳頭損哂,我之後要不斷忍痛...
最後呢,攪到好傷,姑娘話唔好喇,咁我咪pump出黎囉...咁樣就好麻煩,預早pump就話ok,BB喊肚餓,如果有時pump唔切就會好煩喇,都唔知由佢喊好定點好?!

記得如果開始得好既話,佢大小小一至兩個月就會好d...我個BB就係因為一開始成日訓.食親都訓,我又好多野唔識冇人教,問好多人方法都唔同,有時真係好難整醒佢繼續食,攪到我又痛,又冇得訓...佢真係唔食你就keep住定時,到個個時間就pump...咁第日就容易好多...^^

祝你好運...

2007-04-03 07:15:19 補充：
如果佢每日有4-6片好濕既尿片同1-2次便便就ok...佢應該食夠唔駛太擔心,但係我唔知你個BB幾多個月大,因為去到一個月以上BB有可能每日得一次便便甚至幾日一次,咁就好難講囉...

你好，我推薦您一個專業的懷孕育兒的網站。他包括了數百篇關于如何懷孕，懷孕症狀，懷孕期間需要注意的事情等等： 好媽媽助手網

http://www.haomama-help.info/

希望我推薦的網站對您有參考價值，祝您好運！

你可以摸下bb的耳背, 我坐月時, bb日睡夜又睡, 餵緊都睡, 點弄佢都唔醒, 打腳仔, 掃背, 掃下巴, 換片, 都做晒, 發覺bb的耳背是最敏感的, 一摸佢就有反應了
你都試下

都可以扥下佢下巴仔or一路餵一路同佢講下野.

BB飲奶睡著是很自然的事,如果想佢地唔好咁快睡著,就唔好抱得佢地咁舒服.如果睡了,就同佢地換下片整醒佢,或者輕輕力彈佢的腳趾公.