想知個男仔中唔中意我?

2007-04-03 1:44 am

我之前系學校中意左一個男仔,但我地從來都未試過同一班,可以話唔識大家。直到上年我先開始留意他。我從來都未听過佢系學校拍過拖又或者同其他女仔傅"非文"。
每次當我見倒佢,我個人覺得同佢有種眼神接觸的感覺,唔知佢係咪咁諗?
之後佢知道我對佢有意思,可能係朋友透露比佢知,, 跟住佢同我講,問我係咪中意佢,我....果刻好緊張,之後話係!跟住就走左。第二日佢同我講,其實我地唔一定要做男女朋友,做朋友可以嗎? 呢件事過左好耐,亦都有人傅"非文"。自從果次後,每次見倒大家都會有種閃縮,我想知,如果佢唔中意我,根本就唔須要閃縮。仲有...我感覺上總覺得同佢有一種特別的感覺。
好想知佢有冇中意過我?

回答 (5)

yiuannie

2007-04-03 9:32 pm

✔ 最佳答案

妳唔好仲喺度自作多情啦！個男仔擺明就唔鐘意妳啦！如果鐘意你嘅話，一早就同妳開始咗啦！況且佢都知道妳鐘意佢啦！唔通個男仔會怕醜唔敢開始咩！佢話同妳做朋友，只不過佢想妳容易落台啫！唔駛咁「籮」嘛？而家乜嘢年代啫，拍拖前唔通要由做朋友開始咩？妳話佢見到妳嘅時候閃閃縮縮咁，哩啲咪叫做“尷尬”囉！妳咁都唔明？？我覺得妳可能太鐘意個男仔嘞！妳諗得太多，其實有好多嘢都係妳自己諗出嚟自己呃自己，自己搵啲籍口嚟安慰自己啫！

我覺得妳應該早啲放棄、早啲清醒，唔好再留戀喺哩段冇可能嘅感情上喇！所有嘢都係妳自己憑空諗出嚟嘅感覺(即係發夢)嚟咋！

放棄啦！唔好再喺嘥時間啦！而家求學時期，妳不如好好攞啲時間出嚟讀下書好過啦！

👍 0 👎 0