澳門之旅(三人行,三日兩夜)買package好似唔係好低,多是雙人,會突左個出黎,加上好似無咩package係三日兩夜的

2007-04-02 8:41 pm

本人想在4月29日(星期日)一早出發,5月1日(星期二)下午六點左右返,但係唔知買package好似唔係好低,因為多是雙人,突左個出黎,加上好似無咩package係三日兩夜的

其實我地係三個女仔,所以住埋一間房都無所謂,唔駛要多間房
如果買來回船飛(一定要中港城,上環太遠)我都知有幾間旅行社及西鐵都有搞$280套票,但係去邊book酒店呢?book邊間好?有咩好推介,4星或3星都得,但最好近碼頭,方便點,唔想要有賭場,我覺得會好雜,我睇過中旅,只book酒店都好似幾好,但多是一晚的價錢,兩晚會否平點??
請大家俾d意見^_^

另外,行程方便,必到的有漁人碼頭及旅遊塔(好想上去睇,預先買飛會唔會平點?)其他特別景點也想去呀,eg: 博物館....紅酒莊...媽祖閣...等(我聽講買package有入場劵送)
在飲食方面,必到的有大利來豬扒包,另外聽過有間酒店食自助餐好抵$188..好想試下,唔知邊間?係邊?其他特色食品都好鐘意架,希望大家推介一下

知道自己好多要求=__=其實都係想三個女仔一齊玩得舒適抵玩,希望善心人解答一下^___^

回答 (1)

New Start

2007-04-04 12:02 am

✔ 最佳答案

其實2月我都到過澳門一次，當時都係3個人去，我地就係買PACKAGE再另外買一套船飛，我同媽媽都計過應該係PACKAGE抵D，另一晚淨房就OK喇~!~!如果你要尖沙咀上船就要去油麻地旅遊買，因為中旅係O係上環上船。至於酒店，澳門好似無乜邊間酒店係無賭場O架喎...而且你又想近碼頭就難上加難。我之前住皇家金堡同金龍都唔錯O架...雖然有賭場，但都唔算雜，留下仲有個巴士站，有好多車可以搭出去玩。

漁人碼頭同旅遊塔如果你未去過都可以一去O既...但個人認為唔係太多O野睇，賽車同葡萄酒博物館都值得去O既，去開媽祖廟可以去埋隔離個海事博物館，仲有可以去O下松山燈塔，居高臨下望晒成個澳門，O個度仲有個小教堂，係世界自然遺產o黎o架!!有時間的話可以去"乙水"仔的住宅博物館，附近影相都幾靚。

食方面呢....本人覺得大利來豬扒飽真係唔掂，不過如果你一定要食o既都可以o既..."乙水"仔仲有木糠布甸係好正o架。另外我會介紹o係西灣湖附近的阿里咖喱屋，好味又抵食，你去開旅遊塔可以去埋。你所講o個間自助餐應該係金沙裡面，不過唔知邊間餐廳。

你最好去到碼頭就去旅遊中心取d資料同地圖，咁就方便好多，仲有巴士路線圖o架~~我差不多每年都去一次澳門，希望以上o既資料幫到你啦！

參考: 個人經驗

👍 0 👎 0