請幫我編排出一日大嶼山旅遊的行程(需包括以下細節)

去大嶼山，來來去去都係得幾個景點行，都係好公式化，一般都係搭纜車上昂坪，遊天壇大佛，之後就去大澳賣咸魚，基本上時間都好充足，好多人都係咁遊法，無咩問題。
行程簡單設計如下
上午遊昂坪同大佛
午餐在寶蓮寺食齋
下午遊大澳
上午到東涌搭纜車上昂坪，車程一般二十分鐘，不過等車時間要幾多就好難講，最差就要等一、兩小時，假期人多幫你唔到。不過聽有朋友試過就排企位隊，就快好多，不過全程就要罰企二十分鐘，肯唔肯就自己諗。不過如果要排成兩個鐘先上到去，就唔夠時間遊大澳，而且在纜車內睇風景，都係企好過坐。不過如果唔人多就唔需煩坐定期啦。
上到昂坪，照例行下市集，不過市集唔多野睇，你食店多，其實唔需半個鐘都行晒。不過假期時市集會安排一些表演項目，如雜技、唱曲，有興趣又撞正有表演就要用多點時間，咁就要預下行程需時啦，一般來說，預個上午遊昂坪同大佛應該夠，不過項目就自己選擇。而靈猴影院及與佛同行這兩項，如果你不是佛教徙，就建議唔好晒時間睇，因為無咩特別，如果要睇就要晒多點時間，不過我計過，如果可以唔需一小時坐纜車到昂坪，而又趕到十一時開第一場時睇靈猴影院及與佛同行任何一項，再看餘下一項，都可以在十二時前睇完，因為兩項都是二十分鐘度的表演，所以如果當日睇的人唔多就應該趕到，之後還有時間行大佛同寶蓮寺，你預下午三時前應該遊完同食埋齋，當然唔好忘記在巴士站前的大排檔食碗山水豆腐花啦！昂坪咁晒，太陽見頂，唔食返點冰涼東西點頂呀！
行完昂坪，就搭巴士落大澳，搭21號巴士，3時15分有一班，你趕到這一班車就可以好輕鬆咁遊大澳，如果唔得就要預時間啦！因為車程只半小時就到大澳，不過就一小時一班車，所以趕唔到這班車就唔夠時間行大澳啦。因為大澳都幾大，都要許多時間行，不過如果你只是想去賣咸魚做手信，就無所謂啦。如果有時間不妨在大澳食海鮮晚餐，都唔錯架！不過就要預回程時間，由大澳搭巴士去東涌，車程一小時。不過如果你返屯門就好點，因為有渡輪服務，就方便好多。渡輪是新渡輪，亦有不定期街渡，想搭就到大澳時行過去墟前問下人，或者搵下船期表，應該唔難搵到的。

360
昂坪
食飯
搭車去大奧
大奧
返家

1搭昂坪纜車2.去食齋3.去睇天壇大佛
but 時間not充裕to see because大澳 is too big
you can go to:
http://www2.hkedcity.net/citizen_files/aa/cr/to193030/public_html/cindex.htm