飲完都好似扭計想再飲咁,我又唔肯定佢係咪因為仲肚餓先咁樣...
好啦...我當佢食夠唔識飽...同佢掃風,一路行一路掃佢就唔扭計,但係佢永遠都唔會眼訓架...佢以前唔係次次...都一定有幾次食得飽飽就即刻訓著啦...
或者佢真係唔夠飽,但係同佢掃親風佢都梗有吐奶甚至嘔奶添...咁唔通其實佢過飽?? 我已經同佢每安士掃一次風架喇。
我之前係餵人奶架...但係到左6個星期,我都係失敗左...好唔開心,而家唯有比奶粉佢...我每日盡量pump出黎...pump夠份量就比佢飲...會唔會因為佢有兩至三餐係人奶而令佢奶粉既份量要調較呢??
唔該哂大家幫手呀...
更新1:
每晚同佢洗個暖水白白,之後餵完佢...以前係咁佢食完,掃埋風都訓得好好...而家唔係喇,掃完風都仲好精神...舌頭申下申下咁...好似肚餓咁...以為佢仲肚餓,就去整一安士啦...點知轉頭見佢已經肚左d奶出黎...有時甚至係嘔架...(d奶一片片已經到左胃)
