急急急!!! 有關泰國旅遊問題?

1. 正常應到第一層 (你到達曼谷是第二層)搭的士, 要俾50baht手續費, 佢會登記的士司機的資料, 如有問題可以投訴。

2. 如果真的想慳50baht, 可以到第四層, 第四層是departure hall所在, 截一些剛落客的的士, 但經常有人驅趕, 上唔上到車要看你的彩數, 亦有些無良司機會向你多收50baht, 有時要剛他們理論。

3. 你所講的叫合記林真香, 在四面佛旁的Amarin Plaza, 樓下有間好大的Boots,好易搵, 上到頂樓可以找到合記林真香, 可以買手信及唱錢。

如果白天唱錢的話, 可以去Super-rich, 比林真香更高, 亦同樣在附近。位置如下:
在Big-C門口, 面向馬路(對面是central world), 向右手邊行兩個街口, 大約3分鐘, 會見到李海泉海鮮的招牌, 望入裡面條横街, 會見到Indra Spa, 隔離及對面都係, 共有三間, 基本上一樣匯率, 好多導遊都到呢間換錢。

2007-04-03 08:13:52 補充：
Amarin Plaza是一個商場換錢舉例:機場4.41, 林真香4.46, super-rich4.51, 即使你入到Big-C的找換店, 都比機場高少少。Super-Rich絕對安全, 外面睇好似殘殘地, 但入到地好似銀行咁, 有晒櫃枱, 好多人去換, 不過其中一間要影印passport先可以換, 另外兩間唔駛。我當年第一次自由行已經自己去換了。