辯論比賽～有無人幫到我

正方:
點心、飲茶係中國既飲食傳統,我們身為中國人好應該將佢發揚光大

駁:
點心個d,單係香港既酒樓已經間間唔同,無統一性亦不夠代表性(如果點心應該入文化遺產,咁京菜四川菜都應該入)
而且而家d人將點心改完又改,改到唔似以前咁樣(e.g 雲吞愈大愈好味,其實正宗雲吞唔係一味得個大字)已經喪失以前既風味,有咩咁特別?
如果咁都入到,咁fusion菜都入到啦係咪先?
我記得以前睇電視話涼茶都想入文化遺產,但記者去到中國既涼茶舖度睇,淨係24味已經間間都唔同成份,根本唔一樣,唔可以當成文化遺產

正方:
點心歷史悠久

駁:講到歷史悠久,
饅頭都好歷史悠久,咁使唔使都入?


正方:入左之後可以引到遊客來食,刺激經濟

駁:
而家未入都好多人黎飲茶丫~

正方問題:
如果廣東點心唔入得世界文化遺產,咁有咩入得?
(通常呢d open end 問題好tricky,最好諗定)

反方問題:
如果廣東點心入到文化遺產,能否保證這傳統可以一直維持下去?





大致上係咁,我覺得自己有d似撩交嗌...你自己諗諗啦,應該可以仲有更多

其實辯論就係要訓練你思維，
唔單止係口頭上的說話，
所以我只會教你主攻邊ｄ　ｐｏｉｎｔ。
過程係最享受的一刻，
如果你因為其他人俾你ｐｏｉｎｔ先嬴到都唔好玩啦～

首先，
其實我覺得條辯題唔太清晰，
我勸你最好查一查廣東點心的定義，
咁樣你可以更加清楚，
雖然通常正方都會解釋，
但係如果ｄ個定義唔清晰就好難講。

世界文化遺產主要都係地點，
如果單係一個點心就好難去列入，
你可以講下佢個可行性到底有多高，
即係點樣列入，
一定要搵可行性！


可以的話你最好搵一搵世界文化遺產如何被列入，
有咩條件先可以列入，
咁樣就可以話番點心有咩唔符合。

仲有，
要講埋如果加入做世界文化遺產，
會有ｄ咩實行上的困難，
例如：如何統一，如何流傳等等
可以問正方有什麼實際的措施能夠有效地實行之如此類的問題。

仲有一樣，
就係必然性，
到底點心有咩要咁急切列入，
正方可能會話因為歷史悠久之如此類的答案。
你最好搵一搵其他世界文化遺產需要列入的原因，
咁樣就一定會有個對比，
到底點心有咩咁急切需要列入呢？

其實相信發問者應該未玩過辯論，
所以今次我已經俾左好多ｐｏｉｎｔ你啦，
如果辯論靠人就唔好玩架啦～
希望你會ｅｎｊｏｙ這個比賽吧！