出現藥物敏感怎辦

你既辛苦我了解~
我細佬都有藥物敏感~一歲半先發現，果陣仲出水痘添~
住左三個月醫院，差d死咁濟...而家都十四歲囉~
佢大部分既抗生素都唔食得~初期表徵會出紅斑同臉部發脹~
試過有一次氣管炎抗生素完全唔食得，要靠自己抵抗力偶好...幾慘丫...
治標方法就係bb食完既藥，要留意有無過敏(尤其係紅斑出現響手手腳腳度)，有既即刻停用同醫生講返，mark低落張藥物過敏卡度~睇親醫生都要俾佢過目~依張卡將會跟bb一生一世好重要咖~仲有中藥成藥唔好亂食...最好睇西醫~
治本方法就係增強bb抵抗力，盡量唔好病，一病你又慘bb又慘~
另外，如果bb未出水痘就要小心小心，因為可能無抗生素食...
日後響小學打既針，要響醫院打同留院觀察，勁麻煩...
如果仲想問我關於我細佬既野，可以email俾我:[email protected]
希望幫到你~祝你bb身體健康~無病無痛~

藥物敏感 係指食藥後嘅過敏反應,
包括出疹 (通常會痕癢), 面部腫脹,
甚至氣促或休克, 嚴重嘅導致死亡.

藥物敏感 係以上情況, 同藥物副作用唔同,
醫生會同你分析食過啲乜嘢藥,
推測邊類藥, 最好係知道邊隻藥有敏感,
然後寫張卡, 寫個名俾你,
你要擺喺銀包帶住,
睇醫生嘅時候, 最好主動話俾醫生知.

醫生通常係問你, 有冇嘗試過藥物過敏情況,
而唔係特別去試你有冇敏感,
因為太多種藥物, 唔可以試得晒,
而且做測試, 有可能令病人接觸到過敏原, 有不良效果,

(特殊情況, 都可以做其他測試,
但係, 通常係皮膚測試或驗血,
驗皮膚敏感食物敏感, 少做藥物敏感測試,
而且係因應情況, 由醫生提議再作決定).