有關柴犬一問...

首先我是柴犬飼養者

另外我想告訴第一位回答者, 柴犬係一種好有自己思想O既聰明狗, 香港少人養並不是他們唔聰明... 他們比你更有思想

正因如此, 訓練柴犬係有一定難度, 因為佢地會有自己想法, 同都幾固執. 所以如果你想飼養柴犬, 你一定要好有耐性, 同埋要比到正確SIGNAL隻狗, 你是主人. 不過經過適當訓練後, 柴犬係出左名忠心, 穩重同有勇氣. 佢地好少吠, 除非有外來人入侵(例如有陌生人在門外). 除此以外, 我隻柴犬不會亂吠.

他們並不需要在家裡有很多空間, 不過他們好有精力, 最好有機會多帶他散步, 當然有得跑係最好添啦.

其實養狗同玩狗好唔一樣, 養一隻狗要花O既時間唔少... 就算下雨天我都風雨不改帶佢一日散兩次步起碼.

雖然你不能每天帶他去散步可以訓練佢在家大小便, 但久而久之可能家裡會有異味, 有D人未必忍受到.

另外要注意O既係, 狗都需要多D社交, 如果你平日冇時間陪伴佢, 佢可能會因為悶而搗蛋, 尤其一歲之前. 而且柴犬唔夠社交的話會變得AGGRESSIVE(侵略性), 所以一歲前一定要訓練佢同人類同狗好好相處. 柴犬訓練不好的話, 咬人絕對唔少見架.

3個月, 佢大概有8-10LBS
6個月, ~15LBS
1年, 差無多成人架喇... ~20-22LBS
2年, 我隻狗而家25-28LBS

希望你在養狗前好好計畫, 柴犬好命的話可以活到15歲以上架! 所以, 一定要MAKE SURE你自己O既生活環境係穩定先好養寵物, 好好同柴犬相處, 佢地一定會係你O既好伴侶!

Also to 第一位回答者(香港):
It's not because 柴犬非常難教, it's the one who trains lack of patience and knowledge. (maybe that's you)
And it's not because of they're 日本狗, 所以智商唔高. If you don't have knowledge please don't give wrong and misleading information! Actually they're pretty smart, maybe smarter than you. Please study more before you say.

I am also a 柴犬 owner, kitcsl has all my words.

Hello~~你好, 本人已養了柴犬有4年多了, 狗同人一樣各有不同性格, 柴犬比一般室內狗不同, 性格比較沈實, 忠厚. 服從主人. 如果可以的話最好每天放狗, 如不能每天出街都要一星期幾天, 因為柴犬本身好喜歡四圍跑, 發洩精力. 否則你屋企會變成佢地發洩目標.
有一要點提到, 柴犬一年裹有兩次換毛, 由於柴犬有兩層毛所以甩毛量很多, 要日日清理.
柴犬體積不大, 大多數19-25磅, 所以400呎單位無問題.
本身柴犬好少吠叫, 只會在主人回家時吠叫幾聲.
買狗不難養狗難, 你要深思熟慮考慮, 因為養狗係終生, 一)要考慮你會否有時間陪伴佢地,
二) 你有照顧佢一生, 直至佢終老 三) 你要考慮你的經濟能力

2007-04-04 11:08:05 補充：
sorry~~我無量度佢成長期, 不過一歲已經大定.放心把, 柴犬體型不太大

2007-04-04 11:09:39 補充：
如果你每天不能放它出街, 你最好訓練佢係狗廁所大小便

柴犬好煩架, 成日吠, 又衝動鐘意吠其他狗~你見香港冇乜人養就知啦~
日日都要去街, 最好早晚都去, 因為佢地好好精力, 但係又非常難教, 因為佢地係日本狗, 所以智商唔高~