點樣申請信用卡??唔該詳細d

申請信用卡，一般都要以下文件副本：
(1) 申請人之香港身份證。
(2) 附有閣下姓名、戶口號碼、 銀行名稱，及最近三個月薪酬證明之銀行月結單/存摺，及最新的稅單。如閣下為自資經營，請提供商業登記證副本及公司稅單。
(3) 現居住址證明，例如： 銀行月結單 /電費單。
(4) 其他資產證明 (如有)，例如：定存單等。

如果你冇入息證明，咁你就可以盡量出示一d文件證明你每月的收入 (簿仔顯示入左數)。

另外，因為而家有個叫個人信貸資料庫 (TransUnion Limited)，你簽左信用卡申請書，即係授權信用卡公司去佢地度查你架喇，咩野借款紀錄都睇到...咁你要冇不良紀錄 (信用卡欠款，私人貸款逾期等，信用卡公司都 check 到架)，如果有不良紀錄，一般都唔會批卡比你。



當然，如果你戶口有錢，都係銀行考慮批卡的因素，咁如果你的來住銀行係你而家申請卡那間，咁又會易批的，因為話哂銀行之前都有你記錄嘛，不過，最後決定權都係銀行度架。


『匯豐』、『渣打』、『中銀』、『恆生』等等的銀行，一般的最低入息要求係 $48000-$60000，不過普遍人都話匯豐難申請，你想申請，不如去申請渣打或者 dbs 會比較易d。

申請到的話，係唔一定要 keep 住有幾錢係銀行架，因為呢個係信用卡戶口，唔同銀行戶口，要 keep 最低存款額既。

去ask職員點樣申請信用卡