謝師宴點著好...

都ok架啦,其實依加興 smart casual,都無咩所謂

我之前答過:

咁要睇大圍會著D乜,
因為相差太遠會格格不入(又或者可以講係特出嘅)
你可以問下你D Fd會著D乜再去想

因為有D學校(其實係學生)搞就要著到好正式, 有D就好 Causel
要睇下搞手們想掂(不過佢地通常都唔記得通知其它人gei =_="")

當你知道其它人會向邊個方向著之後呢,
就可以想下自已想行邊種路線再去想...

因為唔知你幾多歲同乜o野樣好難話比你知你著乜o野好,
最簡單嘅著法就係

西裝褸
呢兩年都興我想好多人屋企都會有,
不過唔好著太傳統嘅cutting,因為好容易會出事,
依加街賣個D通常個cutting改良過或者唔係用傳統嘅西裝布嚟做嘅,
因為可以襯到恤衫西褲以外嘅item,

咁入面呢可以著
恤衫/Tee
恤衫的話我唔建議打tie, 如果你想打的話都打幼tie
Tee 的話
可以係乜都無嘅淨色Tee 或者 有 Print的都 ok
如果有Print的話本人比較喜歡會閃嘅

下身著乜o野褲都應該會襯到架啦,
不過記住係長褲, 如果你著牛仔褲的話唔好著爛個D,
最好簡簡單單個D, 有D design個D都好, 不過唔好太大

而鞋個方面就要睇你全身會點著啦,
我都教你唔到,

而顏色方面就要你自已去襯啦
每個人嘅喜好都唔同