我想學踏單車

學單車不要怕人笑年紀大, 30不是甚麼, 而且到時冇人會理你係邊個.
我試過教人踏單車, 都係一小時內學識, 有個仲跟住由大圍去埋大埔,
我發覺要先有少少理論課 : 第一要先克服怕跌心理, 二要學做好手掣剎車和
三, 平衡
首先克服怕跌心理, 不要選太低的車, 要高至腳踭稍離地就已不跌, 尤其不要用
車輪太小的,如你說摺合式單車,即是車轆較细,扶手較長個種. 因太容易搶軑,
很難平衡. 二. 祗要及時剎掣, 先剎後輪減速, 再加前輪完全停車, 就可減少意外.
三. 平衡. 大多數人有個錯覺, 以為車側向左邊, 人就側向右邊平衡番, 其實係
大錯特錯. 以後踏得好時, 根本是靠身體傾向左邊來轉左, 傾向右邊來轉右. 所以當你快要跌向某一邊時, 軑就稍轉向那一邊,偏得愈多, 轉個彎就愈急, 所以少少先就得啦. 起步時用力一方的腳踏要稍向上,另一腳先踏地支撐, 起步後用力的腳踏下去, 另一腳放回腳踏上, 由得架車向前,(當然要先搵大平地來學, 不要驚, 除左好細的細路, 其他人會避你, 很正常)如果有人幫你, 頭幾次他可以手扶你座位後方,扶你幾步,你起步後, 佢跟你走或跑幾步就放手 (但事必會踫到你的 pet-pet) 你會平衡得愈來愈好, 由3-5呎 到十幾呎, 你會留意唔到佢幾時放手. 佢唔會太辛苦的. 你唔好太心急放腳落地, 先轉軑, 試左平衡先, 唔掂至放腳, 仲有大把時間, 記得用埋個後輪手掣減速, 常常可做到不用跌再踏動腳踏起步, 不會跌親的 !
祝你一次成功, OK 左通知聲我吖, 唔該 !