氣管敏感真係會遺傳？

我睇完你所寫既情況，似係"氣管炎"多d喎，
你係咪一直睇同一個醫生冇轉過？
如果係，你最好睇多幾個醫生，睇下你係咪真係"氣管敏感"定"氣管炎"。

我細細個時就患上"氣管炎"，小五就唔上得PE堂，
但因為打理得唔好，17歲就變成"哮喘"，呼吸困難不特止，
轉天氣更加連氣都抖唔到，晚晚咳到抖唔到氣，
幾眼訓都訓唔到，條氣管好似比人練住，真係辛苦到d眼淚係咁流，
抖氣時就"霞霞"聲，一大笑就咳又抖唔到氣，諗起都怕怕...

你唔好食：酸、甜、凍既食物及飲品。

我睇左好多年西醫都醫唔好，但d藥就越食越多，最高紀錄一日要食三十幾粒，
真係食到個人好虛，兩隻手震到寫唔到字，但唔食藥又唔得，好無奈。
後來我有個同事知道左，介紹針灸醫好佢媽咪"哮喘"個中醫比我，
共實我唔信中醫架，仲要針灸添，但真係太辛苦同埋食純左d西藥，
所以好驚都去左針灸，第一次針完，即刻走去睇套笑片，居然真係可以笑足全場，
完全冇咳冇喘過，所以我就好乖同好服咁再繼續針灸，大約針左一年，我就好返，
只係有時天氣轉，有少少感到氣緊緊咁，我就吸啖"擴張氣管噴藥"就冇事。

你認真咁考慮下睇中醫或針灸丫。

有需要幫忙，可以 email 問我針灸資料，
[email protected]


少少經驗，希望可以幫到你~

我自己本身是早產(七個月出生), 之後患上肺炎, 令肺同氣管比一般人弱, 所以自小已經有氣管敏感.近一, 兩年仲有埋鼻敏感. 我自己問過醫生, 佢話敏感是會家族遺傳, 只要家中有人患有鼻敏感,氣管敏感等問題, 自己的子女都有機會患上.
令病情及病症舒緩的方法, 其實佢都有教我, 如果咳得犀利, 可以飲暖水舒服吓, 同埋每日朝早&晚上瞓覺之前飲暖水令氣管舒服d, 無咁易咳醒. 平日唔好食生冷嘢,凍嘢, 煎炸油膩嘢,酸辣嘢&甜嘢, 記住唔好食橙&香蕉, 因為會咳得好犀利.同埋避免接觸刺激的氣味,例如香水,香薰,裝修用品味...等, 因為會刺激氣管, 我試過去街路過一間化妝品店門口,俾佢哋d香水味搞到好咳.
天氣凍的時候, 要注意保暖, 千萬唔好凍到喉嚨氣管等的位置.平日要注意家居清潔, 勤打掃,換床舖, 就ok 啦!
既然你試過因為氣管敏感而暈到, 你可以試吓問一問你的醫生有無需要用一些救急性哮喘藥(ventolin), 我在兩個半月之前在地鐵站月台等車期間突然感到呼吸困難, 覺得好像俾人用手緊握自己條頸, 一直維持有10分鐘左右才慢慢舒緩, 之後我同醫生講番成件事, 佢就開咗支救急性哮喘藥(ventolin)俾我旁身, 叫我如果感到氣促不適的話便用.
現在隔了咁耐, 覺得效果唔錯, 每當我感到氣促氣喘的時候, 便會噴哮喘藥, 噴咗之後是會立即舒緩下來.
但是如果氣喘而無藥在手的話, 醫生仲教我要將自己的動作慢下來, 然後飲一杯暖水,令條氣順番.

你睇的醫生話氣管敏感﹐是因為佢地唔想講果兩個字：哮喘
點解佢地唔想講﹐是因為多數病人都唔想聽
有ｄ人亦都會話氣管敏感是比較輕微的哮喘
但你一個星期發作四日﹐已經不是輕微
你所描述的是典型哮喘徵狀﹐我不再重覆
哮喘亦都多數有遺傳的特質（多數﹐當然可以沒有）
病人亦都多數有其他敏感症﹐例如鼻敏感﹐濕疹／皮膚敏感等
如果你講到你間屋咁乾淨﹐請再留意附近有無地盤﹐屋企有無蟑螂﹐或者裝香
其實你都不適宜養動物了
如果你訓低會差ｄ﹐請用六十度以上熱水洗床單被舖枕頭袋
另外建議你用哮喘的噴劑
如果你發作得咁密﹐你可能需要兩種：
長期用的預防藥（類固醇）
發作時急用的藥（beta agonist）－＞可以引起心跳
類固醇只要不是食入肚﹐副作用很少﹐但可以有效控制病情﹐避免氣管變形硬化
所以要 keep 住噴
當然你要睇醫生﹐搵個好的吧﹐你的情況已經不算輕微