關於ALVIERO MARTINI地圖袋

我覺得呢個應該係真,因為我都有個陳年地圖袋係呢個舊版PATTERN

其實講真,地圖袋應讓唔會多假野...你上網度見緊o個d點解咁平呢?
正是因為好多都係陳年款或陳年袋(但保養得好)即係十幾年前的舊版LOR

我都有一個,係索繩長帶細size款,我是在讀中四時爸爸買給我的,當時係整整12年前,那時讀中學好興地圖袋,人人都有一個咁滯,但當時黎講都幾貴,我那個便賣1400元(現在一個硬皮卻不只這個價錢!!) 我曾見過網上有人賣我這個袋款,叫價1000元都有人買!!d人仲覺得奇怪點解咁平,其實聽完我個case都知點解了...只要個袋保養得好,賣1000蚊,雖然比當年蝕左400,但咁多年,咩貨都有折舊啦,計起黎仲有賺...我老公都叫我不如賣左佢,賺番一千幾百都好,.但而家見個BRAND鬼死咁HIT,雖然我無拿來再用,但賣左佢又咁捨得

我發覺而家好多後生女都鐘意用,簡宜係鹹魚翻生的品牌,佢地好多都唔知呢個BRAND其實早在十幾年前紅過,當時香港都未有專門店...