孔雀媽媽的問題

一般大左肚0既魚媽媽個腹鰭個部份0既腹部會特別黑,((但白化魚[又叫白子]就有分別,個位係黃黃地或白白地色架,不過都係會比較深色小小))腹部生產位置(即係痌屎個度付近)會輕微起角,小小似長方形咁架!!如果係咁0既話,我估計你條魚媽媽不出12-48小時就會生,因為以我經驗就生0既魚媽媽突然接觸新水或其他缸水都會誘發生產!!有時換水都會架!!所以要小心處理!!
如果佢有上述特徵可以放佢入生仔箱待產,但你要確保中間隔板可以比魚bb落到下層,一般黎講中間隔板每條坑位都要有1-2mm先方便魚仔到下層,以免比魚媽媽食左,同時魚媽媽生產前游動情況波幅好大,會不停響缸邊沖上沖落,所以個生仔箱一定要關好上蓋,如果唔係媽媽跳出大缸生仔,一定比成魚食左!!另外d水亦會有小小腥,生產個時有部份魚媽會有類似收腹(即係頭尾向下背向上拱,亦有時會係相反方向架!)0既情況,呢d都係我極多次觀察所得出黎0既結論!!
一般黎講生仔箱都有入水坑位,所以你可以響生仔箱下方加氣,不過又唔可以太大氣,以免影響生產過程同魚媽媽0既情緒!!難產就麻煩了!!

要打上面個蓋,唔會唔夠氧氣