✔ 最佳答案
本人就建議你去葵涌廣場比較好點啦！因為個人覺得葵涌人流會旺過淘大。不過都要睇你主要做那一類貨，如果走中下價的貨就一定去葵涌廣場，如果是高檔點才好諗淘大商場。
不過淘大就唔多好做，因為人流俾德福吸引過去多，好少集中係淘大，如果走高檔貨，D人都係去德福多，淘大好難做到。如果諗做中下價就更加唔得，因為場租貴，而附近的牛頭角都是老區，購買力有限，而且又唔追潮流。我早兩年係淘大做過，個場好似安老院咁，係D老人家係度嘆冷氣的地方。而且個場管理又保守，唔多想投資攪新主體，吸引唔到新客來，一路都是D街坊同學生為主，學生購買力都好一般，追潮流的青少年，地面幾間大時裝連鎖店已經做晒佢地生意，根本唔輪到D細鋪。如果做時尚精品，可以講根本無得做，因為有消費的那些打工一族，多數聚在德福那一邊，好少會行過淘大。所以淘大做到的，都是有牌子的大店，細店好難做的呀！
如果你是初創業，資金有限，攪唔到大舖，就建議你去葵涌廣場啦。最少在那個場，買大陸貨都有客路，如果你資金少，諗住入大陸貨去淘大買就一定死硬，因為客路唔同。葵涌荃灣都唔少新移民居住，都會買大陸時裝，牛頭角就舊公屋，老香港居民多，口味如何你明啦。何況葵涌始終近工廠區，其實搵舖就一定要搵有購買力的客源，而現時有工做，有收入的人一定有較好購買力。香港其實許多區的人都是靠食老本生活，靠積蓄投資來維持生活水平，這些在舊區同歷史悠久的屋村最明顯見到，所以這些區就只有生活必須品才有得做，做其他都是好難做的。而近打工一族的客源，點都可以做到些生活必須品以外的商品銷售，所以葵涌其實諗得過淘大。
至於做那個檔次的貨品，就要看你選那一個場啦！淘大形象就適合做高檔至中檔時裝，而葵涌廣場就適合做中至低檔次的時裝。不過無論那一個場，那一個檔次，都要你自己熟行，你要識分那種貨是那種檔次，那種價錢。如果當低價貨是高價貨咁入來買就死得啦！
2007-04-03 19:32:28 補充：
攞咩野呀?攞景?
