議論文~~~學校應否讓學生擬訂校規~~~

不應該

1. 任何一個團體既規則都用以規範個體既行為, 以維持團體既秩序, 從而促進該團體既生產, 文化同承傳等, 如果規則由個體擬定, 除非人人都係孔子所講既大同社會入面既人, 否則有規則等於冇, 例如非洲好多國家都近乎無政府狀態, 令非洲罪案率長期處於高位, 連經濟文化發展都完全冇起色

2. 每個人既價值觀都唔同, 因此每人所要求既規則都唔同, 正如一間餐廳入面, 如果餐牌由客人自己訂立, 我地可以肯定既係人人所要求既食物都冇可能一樣, 咁既話即使全世界最大規模既餐廳都冇可能滿足所有客人. 因此, 一個團體就會出現無限既分歧, 破壞團體既統一性同和諧, 最終會令團體分裂

3. 學校之所以為學校, 係因為學校會提供一個教授知識同道德既環境幫助學生成長, 充實應付未來社會需要既知識之外, 亦要灌輸正確既人生觀同價值觀. 如果學校規則由學生定, 咁學校就會失去培養學生守紀服從既意義, 咁學校就根本唔需要存在, 會變成完全由家庭教育取而代之, 但由於家庭教育冇一套統一既法則, 家長既教學質素亦冇保障, 長此下去只會越黎越多文盲出現, 令文化水平以極速下降

當然唔得啦~~



1) 學生心智未成熟, 想法未全面, 因此所訂既制度一定有漏洞

2) 學生係學校係受教, 學習明白是非, 而唔係教返學校應該點做

3) 如果校規由學生製定, 咁校規既立場一定係學生方向建立, 咁學校既立場又係邊? 唔通學生著睡衣返學又得? 唔交功課唔讀書又得? 咁學校成立黎做咩?



* 如果學生可以製訂校規, 咁不如唔好製定重好, 因為心智成熟既學生, 會努力學好, 心智唔成熟既, 就會用校規來作惡, 咁就有不如無