✔ 最佳答案
你係自責之餘, 有冇為自己作出任何努力? 如運動, 跑步, 跳高, 跳繩?
如果做左都係咁矮, 最少自己心安理得
男子無出眾既樣貌都好, 就要有豐富既學識去支持, 否則呢個人只係有一個靚既殼, 咁你有冇為自己既學識去努力過?
好老實, 真係一個有實學既人, 係任何地方都會有出色, 一樣會受到別人重視, 一樣可以吸引異性, 但係如果只識自我怨懟, 而無努力過既人, 就算上天比左幾多才能佢, 都一樣無用
p.s 曾志偉都係唔高, 不過佢無放棄過佢自己, 一樣係娛樂圈好出色, 甚至八兩金, 亦無為左自己既容貌睇唔起佢自己, 一樣有個靚老婆, 阿B 無為自己破產而慚愧, 亦一樣好努力係自己做到既範圍內努力賺錢, 佢地受到既壓力, 唔會比你少, 不過佢地會去做, 去改善
*** 樓主, 你為左自己既問題而煩惱, 其實重有好多人, 比你痛苦 100倍, 你見過一出世就要係醫院生活既白血病症既小童未? 你應該都見過霍金, 亦睇過一公升眼淚既女主角, 佢地既生命, 相信痛苦到我同你都想像唔到, 我地睇到既, 只係佢地為能生存多一秒而付出既努力同決心, 我同你, 其實已經擁有太多
***** 共勉之 *****