咩叫小姐脾氣呀?

家庭及人際關係其他 - 家庭及人際關係

Yeung Shuk Yi Suki

2007-03-30 5:02 pm

咩叫小姐脾氣呀?

原來自己都有時任性呀? 我應該要進修一下體諒, 同包容!

回答 (5)

用戶35480

2007-03-30 5:48 pm

✔ 最佳答案

小姐脾氣即係要人地就晒佢，一唔0岩佢聽既野就嬲，唔可以逆佢意，小氣，唔聽人講。。。呢D就係小姐脾氣

小姐其實係講以前有錢人家既千金，通常佢地都有妹仔（侍婢）服侍，屋企人又對佢萬千寵愛在一身，永遠要乜就有乜，冇人會逆佢意。久而久之，就養成左小姐性格。。。到佢大個出黎見到D外人（唔係佢家人或侍婢），佢就發覺D人唔就佢，佢就以為人地唔尊重佢，對佢有偏見，但其實只不過係佢慣左人地就佢，又唔諗下其實有時自己既要求係過份。。。佢地發呢D無理既脾氣，就叫小姐脾氣囉。。。唔關任唔任性事，呢樣純粹係唔世故既表現，通常都係屋企人好錫佢，好幸福，冇乜受過挫折，或者好靚女，好多人追既女仔先會有，但當然如果冇就更加可愛更得人鍾意啦！

其實好簡單，唔洗進修，只要你學下用對方的角度去諗野，你就會做到一個得人鍾意既人。

👍 0 👎 0