買樓 - 自己搵律師好定由 agent 介紹的律師好呀 ?

其實唔好太過對 "agent" 介紹的有太大介心, 你現在反而要睇下你買的是什麼樓宇, 因為有很多有別於私人屋苑的物業, 例如村屋買賣, 居屋二手市場買賣, 居屋自由市場買賣等的法律文件, 其實只 concern on 個價格平唔平, or 係唔係相熟, 其實係唔夠, 你要 concern 的係那一些律師行是否對辦理呢 d 文件係唔係熟識, 因為本人親身經驗, 父母買入馬鞍山錦豐苑居屋, 屋企人又係覺得 agent 介紹的一定無好, 就自己去搵, 點知佢自己去搵的, 連點樣去做提名信同幾時去做都唔知, 險些令父母因為出唔倒提名信而悔約, 後來改用 agent 介紹的, 反而做得很理想, 而且收費相宜, 事後工夫, 如差餉管理費地租對數都做得很好, 有些人說那些律師樓會給回佣予 agent, 但本人反而覺得問題不大, 所以畢竟那律師樓真的跟進不錯... 一般來說, 如果閣下所買的是普通私人屋苑, 這樣反而很多律師樓都會識得做, 問題只在於有些比較跟得貼, 有些就馬虎一點... 所以建議不妨問下屋企人有無 d 唔錯的介紹...

如果無相熟律師或者朋友介紹就無謂自己搵麻煩，居屋、公屋，夾屋私樓都有唔同手續，搵D唔係咁純熟手續律師樓就真係自找麻煩，Agent介紹的可以考慮，因為Agent都驚成交有問題出現的，如果因為有問題出現而取消交易，那麼單生意就泡湯，最後就無佣收，亦即是Agent如果知道o個間律師樓做野唔掂，佢地唔會再介紹，這是一個普遍的現象，基於以上原因，所以聽Agent介紹也是一個較好的選擇！

好多時agent介紹會平小小, 地產梗係想你同佢個律師行, 因為方便做嘢!
但如果你係買樓, 就最好自己搵律師行, 因為用佢地個律師行, 可能為著
方便, 有些文件未必查足晒! 一百萬樓下既樓可以同埋一個律師行, 但一
百萬以上既樓, 就一定要唔同律師行, 我建議你自己搵好些少, 你可以上
香港律師公會網頁, 果度有好多律師事務所, 可以供你撰擇.

其實無咩太大分別 , 你可以自己搵自己相熟的同agent介紹0既律師比較

一下價錢 , 邊個平的 , 問一下身邊朋友有無用過該律師樓服務如何 , 但要

記住唔好大安旨意律師樓跟野會好穩陣 , 自己咩都唔理 , 一的重要0既日

子你要自己mark低 , 如加大訂 , 成交上律師樓簽契 , 聯絡銀行職員簽按

揭契 , 因為agent介紹0既律師樓有時太好生意 , 掛一漏萬唔出奇 , 買樓

所涉及的銀碼好大 , 唔好只係貪律師費平 , 有時價錢貴小小都要搵的信

譽好0既律師樓
圖片參考：http://hk.yimg.com/i/icon/16/50.gif