佢有痰點算?

如果bb有痰, 有個方法幾得...
將bb放嚮你脾上 (bb面仔向下), 你一隻手掌要略攤開, 微曲 (好似向下爪住一個波波咁), 將手指公同無名指分別放嚮bb對 [雞翼] 度由下方 (腰)各上輕掃, 我都試過, bb好快就咳到d痰仔出黎架~ 當然你另一隻手要托好bb (可以托住佢雙肩), 頭仔稍微向下 - 你掃一兩分鐘唔得就要放番平佢抖下架, 唔係佢會辛苦喊啊~ 隔一陣再試
但如果冇效, 你留意下你開d奶粉會唔會太杰, 情況再冇改善就要睇醫生, 等醫生check下佢吞嚥是否有咩問題~
還有, 有冇每次都同佢掃風呢? 呢樣野好緊要架!
唔好太擔心, 睇多一兩日, 試下我呢兩個方法...
祝bb健康!!

你可以試吓果皮，浸軟挖乾淨"囊"，一定要挖乾淨， 如果唔係就好濕熱，
用黎煲水沖奶。因果皮正氣、又無味，一次用一小角就得。
我個小朋友都飲唔少。

如果bb冇病而有痰係正常嘅,我生左三個仔女,第一胎個女又係有你bb嘅情況,我係餵人奶tim,咁我以為佢唔舒服就同佢返醫院檢查,話哂都係初生bb,咁醫生解釋初生bb係會有d咁嘅情況出現嘅,唔使擔心,佢自己會經糞便慢慢排出,就算病左都唔可以食葯架,只可以喺喉嚨滴鹽水,咁我聽醫生話就冇理佢d痰,咁我同佢換片時都會望下佢有柯d痰出黎,隔左冇幾耐就冇哂,同樣第二第三個bb都係有d咁嘅情況,唔使擔心啦,如果唔係病左就冇事架,或者你可以試下之前嗰兩位網友嘅辦法,不過要小心d,佢只得13日咋,身體仲係好軟。

祝媽咪同bb身體健康,bb怏高長大

係呀! 樓上的方法我以前都試過,我囝囝1個多月時,咳得好利害,我朋友教呢個方法,同bb掃完後,佢舒服了許多,而且排出的便便帶有啖呢!聽講係因為bb不懂吐啖,所以吞回肚,經胃液消毒後,排出.
如果都唔得最好看醫生,怕bb氣管有問題!!