紅館睇演唱會第65段好唔好 ??

其實要視乎你睇邊個歌手的演唱會，因為不同演唱會的舞台有不同的搭台方式。如果你說只是普通舞台的三面台，同近期／即將開演唱會歌手的三面台又有唔同睇法喎！觀乎即將開演唱會而又是開三面台的，似乎只有梁靜茹及五月天，唔知你講緊邊個呢？！

根據紅館的官網三面台平面圖（見下面網址），一般來說舞台是向綠色閘的第 63-66 段，而你所講的第 65 段就正正是對正舞台喇，一點都唔側！不過上面位網友說得對，紅館演唱會一般的控制台都設在第 64-65 段之間約第 11-15 行的位置。不過我唔知你買幾錢的飛，如果你坐的位置是在控制台以下的行數，當然無問題啦，仲好近台睇的好清楚o添。如果是第 65 段 21-24 行 83-89 號座位都OK，控制台都遮唔到你的視線，但如果是第 65 段 21-24 行 90-96 號座位就有可能會被控制台遮到視線喇！（註：第 64 段 21-24 行 83-89 號座位都有可能遮到o架！）

http://www.lcsd.gov.hk/CE/Entertainment/Ticket/seats/hkc-end-stage.pdf

如果你是睇梁靜茹或五月天演唱會，說法又不同了！我在城市電腦售票網網站見到佢哋演唱會三面台的平面圖，都係開第 40 - 65（90-96 號座位） 段及 74（83-89 號座位）- 79 段。在這裡的三面台，對正舞台的段數是第 47-52 段，而你所講的第 65 段，就反而變成是三面台的最側一面，位置一點都不好，亦不近台呢！歌手通常都向正舞台中央表演，除非佢哋會行去舞台兩側，否則情況並不樂觀啊！

我有佢哋兩個演唱會的平面圖。因為要係城市電腦售價網會員登入才睇到，我在這裡 post 唔到俾你睇。如果你想要就 send email 俾我啦！我 email 係 [email protected] ！

唔知你睇唔睇得明我講乜，不過希望我的資料可以解答到你的疑難啦！
圖片參考：http://hk.yimg.com/i/icon/16/1.gif


2007-03-30 17:18:41 補充：
仲有，原來濱崎步都係開三面台，座位段數由第 64-79 段及第 40-45 段，不過情況跟梁靜茹或五月天的有點不同。濱崎步的舞台佔了紅館的一半（應該不是叫三面台吧！），第 65 段就在舞台的左邊，都幾近舞台o架！如果你想要濱崎步演唱會的平面圖，我都可以 send 埋俾你。

第65段屬於綠閘，通常個控制台都會喺呢度(約10-15行)，如果你係16-22行，都有可能比個控制台遮咗啲視線。
第65段唔係側面，係正面。

唔知你買幾錢飛???
紅館56 - 57區第21行！正中間位置之餘又係$200飛既第一行！ (不過通常都好難買到！)
如果你係65段既話就麻麻地啦，比較側！
(買飛既時候可問下售票員咩位會比較好丫，佢地真係清楚不過！)