新界土地劃界 Lot 幾 Lot 幾 點分？

其實全香港的土地都係有個Lot number 的, 不過市區多有街名門牌號碼, 就唔會用 lot number 去分, 一般0黎講, 要去到d偏遠d 0既地方, 街名都冇就會用個 lot number 去identify 個地址.

1. 有什麼途徑可指出土地確實位置
你祖母當年買地會有地契, 地契會附有一張圖指明幅地0既位置, 睇果幅圖就會知. 唔見0左幅圖或這唔見0左地契就去土地註冊處拎返copy.

如果你得個 lot number, 你可以去地政處問或去買張圖, 地政處有種圖係會劃0左 Lot number 0既地界的 (我以前買過, 不過張圖唔記得叫咩名), 咁你就會知塊地響邊.

2. 點樣分清條界
如果有地契張圖或地政處果張, 你要請專業測量人員先會知幅地0既地界確實係邊道.

3. 要用幾錢
地契如果唔見0左, 可以去土地註冊處做 land search 確認你祖母係咪真係果幅地0既合法業權人, 係0既話就同土地註冊處做返所有地契文件0既 certified true copy, 視乎疊地契有幾多份文件, 每份 certified true copy 就係百幾蚊, land search 就幾十蚊

地政處幅圖就印象中都係幾十蚊

專業測量人員就好難預算, 我相信點都要幾錢至幾萬蚊不等.