✔ 最佳答案
你好...
1:夠竟wii幾多$?
Wii 本身向日本既定價係 25000円, 即係大概$1700度, 但係香港係水貨價, 所以有平有貴, 我聽過話 $16XX 包埋改機, 亦都有D 地方要$2500+ 先有交易, 最好就係你去黃金商場行一轉, 周圍格下價........
2:買wii時,是否只包主機?其他配件要自己買?
基本上, 只包主機及手制一套, 同埋火牛, Censor 等等,
Games 個D 要另買....
不過香港買機可能佢又會有套餐咁, (即係加幾錢送Game 個D), 最好都係周圍格下價...
3:甚麼其他配件要一定自己買?
咁難得買左部Wii, 一個人打梗係悶架啦, 咁就梗係最少買多一套手制, 另外, 如果你想現舊Games, (即係Gamecube 個D Games), 就要買多個舊版專用手制....另外個D, 視個人而定, 可有可無
4:那些配件有甚麼用途?
視乎你買乜野配件, 因為你買左部主機之後, 已經有齊基本配件, 唔駛另買.......
5:買wii時,會否送game?
上面都講過, 本身係冇包, 最好就係直接去鋪頭問價同埋會唔會包Games
6:wii game幾多$?
大概$300 ~ $500 度, 因為係水貨既關係.....
7:有甚麼wii game好玩?
我唔知你本身鍾意玩乜....
如果係RPG 類型既就一定要玩 Zelda(薩達爾傳說), 如果鍾意玩小型遊戲個D 既, Made in Wario, Rabbits Party, Cooking Mama 等等... 你可以叫個D 遊戲店既Staffs 介紹下
8:我知現在香港還未有行貨,只有日和美,我亦知日較好,但我夠竟買日好,還是等港版好?
9:是不是如果買港版,就不可以玩日版game?反之亦然?
其實港版同日版既基本設定係一樣, 所以香港版係一定可以玩到日文版... 暫時未知道香港行貸版既規格係乜野, 不過港版既好處係價格係代理商定(即係唔會有海鮮價), 同埋有保養, 而且唔駛買變壓火牛.......
其實都唔一定要定港版出既, 咦家市面上既價格都唔係咁貴........
10:買日版的話,要看日文,不是很辛苦嗎?
就算你買港版都可能要睇日文, 因為大部份Games 都係日本出, 要等佢出中文版可能要好一段時間(大概係佢認為有Market 個陣)
11:如果買日版,有無事情需要注意?
其實都冇乜特別野要注意既, 總之就問多幾間, 覺得個價合理先買囉!!
同埋小心唔好買錯美版.....
PS3都好似未有行貸, 我諗個價應該大概向$3000+度啦...
資料唔係好齊全, 不過希望幫到你.....
2007-03-29 11:26:52 補充：
Sorry~ 我頭先check 過, PS3 係有行貨架啦...價錢係:PLAYSTATION®3 20GB 款式 型號: HDD 20GB Model 建議售價: HKD3,180 PLAYSTATION®3 60GB 款式 型號: HDD 60GB Model 建議售價: HKD3,780 詳細可以睇哩個網:
http://asia.playstation.com/tch_hk/index.php?q=playstation_3/hardware
2007-03-30 10:24:29 補充：
nunchunk 其實就係另一部份既手制, 有時有D game 係要左右手共用, 例如以下既程況:當你玩緊一個RPG 既時候, 你既身份係一個武士, 右手拎劍, 左手拎盾, 咁右手拎住原本個control 係咁揮既同時, 左手拎住個nunchuck 就可以當舉盾咁....如果你想具體D 明白, 你可以上任天堂個官網, 睇下佢個D 短片!
