我教不到兔仔去廁所

我初初帶兔兔返屋企時, 佢仲係BB仔來, 我亦教唔到佢去厠所, 情況同你一模一樣, 到最後佢都係唔肯用厠所, 仲咬爛埋綁住厠所同個籠條繩/鐵線, 然後反轉埋個厠所tim, 結果我都無再放厠所俾佢, 幾年來佢都o係個籠到屙, 但佢唔會出來同圍屙囉, 佢出來玩時都會自己走番入籠屙, 所以我亦由得佢, 不過要成日幫佢清潔個籠啫.
你可以試下上面位同學嘅方法, 但如果都唔得, 就算啦, 隨緣囉, 無謂自己激氣又嚇親兔兔.

2007-03-30 09:47:30 補充：
你隻兔兔而家病緊, 唔好放佢出來住, 帶佢去睇醫生, 等佢好番先, 因為屋企其他地方可能比起佢個籠仲污糟仲大塵.一定唔可以俾佢上梳化尿尿, 見到佢咁做要即刻大聲講NO, 然後捉番佢入籠, 唔俾佢出來玩, 懲罰佢, 跟住唔俾佢上梳化玩一段時間, 等佢唔記得梳化上面o個陣味. 你隻兔兔係咪成兔? 係嘅就要俾多D時間同耐性, 要每次都大聲講NO, 等佢習慣and知道唔可以喺梳化尿尿.我隻兔兔初初出來玩時都好鍾意喺梳化上尿尿(唔知點解), 我就用以上方法教佢, 以後佢就無再喺梳化上尿尿喇, 次次都乖乖返入籠到屙, 不過我隻兔兔o個時係BB, 所以可能易教D, 你要俾多D心機喇.

2007-03-30 18:19:14 補充：
兔仔唔同狗仔, 兔仔無咩靈性, 亦無咩記性, 佢地轉頭就會唔記得咗發生咩事, 亦好難好似訓練狗仔咁訓練佢地, 呢D係兔仔嘅天性, 無得改變, 養得兔仔, 就要預咗, 你只可以用心機同時間令兔仔慢慢習慣, 當佢習慣咗喺籠到屙時, 佢以後就唔會周圍屙.都係o個句, 順其自然啦, 你都想兔兔同你都開心, 何必執著一定要兔兔用厠所呢, 只要佢唔好走出來周圍屙就ok啦.

建議你可以試下列方法：
１）放草在厠所上，當他吃草時推他上厠所，兔兔很喜歡方便時吃東西的ｏ
２）如不行，可左右兩邊都放一個厠所，當他願意使用其中一個時，一段時間後才拿走另外一個ｏ
３）如他在厠所以外的地方方便，其實可以用嚴厲的聲音制止，但要在當場，過後才發現便不可以駡了，因為他會不知道你駡什麼ｏ

此外，似乎是他不願意上你的厠所，厠所面是否用鉄枝做的？市面上有Ｄ厠所面用闊膠做的，企上去會比較舒服，可以一試ｏ以防萬一，不如你檢查下他的腳板，看看是否健康ｏ