上完粧,時時都感到個粧好浮好油晤貼感覺...有咩好辦法好介紹....

上完粧,時時都感到個粧好浮好油晤貼感覺，可以有以下呢幾種可能：
1. 可能係化妝前，未清潔乾淨好塊面。
上妝前，必須把面清潔乾淨，以及搽好你的護膚品，例如：toner, eye cream, lotion, etc.再搽上make up base，再上妝。
2. 可能你係油性皮膚，個make up base都好重要。個base搽得好，粉底就會好貼。
係你經常出油嘅地方，搽上有控油作用嘅make up base，sofina 嘅 [Pore Clear Perfect Mousse]好work架。面部其它部份就搽返普通嘅make up base。
3. 除咗make up base，粉底都好重要。
油性皮膚就要用返專俾油性皮膚用嘅粉底。[你問一般化妝counter姐姐都可以幫到你]
4. 其實除咗以上幾點，最重要都係保養好自己嘅皮膚喇。
一般嚟講，面部多油，主要係面部唔夠水份，所以想個妝貼又靚，平時要早睡早起，飲多啲水，做多啲水份mask。

以上幾點，你可以參考一下[因為唔知你實際情況]，希望可以幫到你喇！

2007-03-29 15:38:40 補充：
其實搽makeup base嘅另外一個原因, 係為咗防止啲化妝品入咗去皮膚, 係保護皮膚嘅.如果係化一次兩次, 有啲人都會唔搽, 但如果係需要經常化妝嘅, 就一定要搽, 否則自已原本嘅面色會變差, 變得暗暗的. 以你話好油嘅情況, 最好都係用控油嘅makeup base喇!

可以上妝之前敷mask丫,我之前都係唔貼~敷完效果好好多..你試下冇妨呀~

可能係你個面霜既問題 由於依家d化妝既成份好 我覺得你可以試下咩都唔揸就上粉底

可能你用的化裝品的質素問題所以令你個裝唔貼，
亦可能你乾到出油，所以你要用控油和保濕的產品做打底會好D