係一般金行到買石(尤其細舖，但老字號)，show得出黎都已經鑲好左，當然我買既並唔係咩好大份既鑽石對戒，0.27份，當然梗係冇證書架啦！sales講G COLOR，VVS2，$6000，問佢係咩石，佢就話南非石，咁我就打電話問人啦，FD就話「石好多都係係南非掘既，但加工就好多地方都做到！出黎效果都唔同！」，之後又問SALES答「全部係香港加工！」之後見都幾合眼緣，因為戒指SIZE問題加上佢地都收工喇，就話叫我地比1000蚊訂，聽日黎囉啦！跟手我地都覺得冇問題，但係張單到佢地就硬係冇寫個COLOR同淨度，叫佢地寫埋落單死都唔寫，仲話我自己都用鏡睇過冇事(我鬼識分COLOR同淨度咩！)之後擾攘左一陣之後個老細出聲「你唔信唔緊要，你可以拎番D訂走，到你有信心先番黎買過啦！」之後就比番1000蚊訂我地。我想問︰
1) 個係咪間間都唔寫COLOR同淨度?
2) 已經鑲左我可以點CHECK粒石係咪真(除左用儀器之外)?
3) 佢地會唔會比我即場用支針界粒鑽石既呢(因為聽人講真鑽石只有同鑽石相界先會花)?
4) 我地冇未叫佢退訂，佢地點解自動比番訂我地呢？係咪身有屎？
鑲左既鑽石點分真假？
2007-03-29 7:06 am
回答 (2)
2007-03-31 11:17 pm
✔ 最佳答案
我覺得你不用太擔心，雖然係細舖，但既然開左咁耐，加上你的敍述，我想他們是賣真鑽石。你亦可以看看他們有否加入金飾商會，參加旅發局的QTS「 優 質 旅 遊 服 務 」 計劃，足金標誌計劃等，如果他們都有參與這些計劃，即他們都有一定商譽，不用太擔心。香港珠寶店很多都話鑽石從南非出產，的確南非是出產鑽石，但不代表只有南非出產的鑽石才特別靚，只是香港人普遍認為只有南非石才是靚石，珠寶店為方便售貨，會稱所用鑽石均產自鑽石。而加工多在香港或國內，其實因成本問題絕大部份在國內加工鑲嵌。
1. 很多店舖都不會在發票上寫明顏色同淨度，這些資料通常按鑽石證書發出，如沒有證書，珠寶店會按其經驗自行評級。如按你所述 G Color, VVS2, $6000 則是偏貴了，但也要看看戒子有否伴鑲碎石。如沒有碎石，售價應約$3-4000。
2. 要check 石是否真鑽，你可在即回戒指時叫他們用鑽石筆測試一下，這是最簡單的方法。其他方法均需要足夠的專業經驗去判斷。
3. 我不會建議用支針界鑽石
4. 我想他們也知道戒指賣貴了，或覺得你對他們信心不足，有點....., 所以咪自動退訂給你。不一定是賣假石的。
2007-03-31 15:21:54 補充：
打錯字:珠寶店為方便售貨，會稱所用鑽石均產自「南非」。即回戒指= 取回戒指
2007-03-31 1:13 am
(1) : 一般的細舖都唔會寫得太詳細 , 通常寫戒指的成色 , SIZE , 銀碼就算數 .
(2) : 用10倍放大鏡可以分出仿制鑽石(即假嘢)及天然鑽石 , 但要有經驗先分到 . 如果是合成鑽石就分唔到 , 一定要去實驗室先分到 .
(3) : 用針界鑽石是冇用的 , 因為針的硬度唔係太高 , 有好多仿造鑽石(如 CZ , 美神來)硬度高過針 , 都唔怕俾針界
(4) : 有可能 !!!!!!
(2) : 用10倍放大鏡可以分出仿制鑽石(即假嘢)及天然鑽石 , 但要有經驗先分到 . 如果是合成鑽石就分唔到 , 一定要去實驗室先分到 .
(3) : 用針界鑽石是冇用的 , 因為針的硬度唔係太高 , 有好多仿造鑽石(如 CZ , 美神來)硬度高過針 , 都唔怕俾針界
(4) : 有可能 !!!!!!
參考: 自己
收錄日期: 2021-04-18 21:44:50
原文連結 [永久失效]:
https://hk.answers.yahoo.com/question/index?qid=20070328000051KK04924