荃灣大會堂

你可以搭地鐵到荃灣地鐵站,
往車頭方向出閘 ( A 出口 --- 名稱 : 巴士總站 )
在A出口往右轉 (不要直行), 行約 50 呎, 便見右手邊有條梯級,
行落去便是西樓角路. 你會見到很多巴士站及專線小巴站在你左手邊的馬路旁,
前行約莫 20 步, 便是你要乘搭的綠色專線小巴 ----- 301號 (往荃灣廣場, 即吉之島)
在總站落車後 (即吉之島門口). 一直向車頭方向行.
行到直路的盡頭 (約莫60-70呎), 過埋馬路 (馬路名稱: 圓墩圍), 便是荃灣大會堂了.

車費 : $ 2.70 (已經加咗價啦), 車程約莫 4,5 分鐘 (很快到的), 班次也很頻密.

因為我昨天及今天都有去荃灣吉之島, 所以順便幫你留意埋你所需的資料 :)

唔知你係邊度上車, 如果在九龍上車, 也可以搵些寫住 ' 荃灣福來邨' 的紅色小巴, 請司機讓你在 ' 獅子吧' 落車, 向車尾方向行約10多步到直路的盡頭, 過咗馬路(馬路名稱 :圓墩圍), 是荃灣裁判署, 隔籬便是荃灣大會堂了.

睇吓邊個方法啱你多啲 ?

2007-03-30 22:20:04 補充：
你喺葵涌上車, 有下列巴士啱你:33A (旺角柏景灣 ----如心廣場)-----途經: 葵芳(智芳街), 葵興地鐵站, 葵涌邨, 大窩口邨(行大窩口道). 成人車費 $4.6總站落車, 行返出去. 34 (葵盛中-----灣景花園) -----途經: 葵盛東, 葵涌邨, 大窩口邨(行大窩口道). 成人車費: $4.1沙咀道戴麟趾分科診所落車, 向前行...........續

2007-03-30 22:21:37 補充：
30 (長沙灣廣場---- 荃威花園) ------- 途經: 荔景邨(荔景山道), 葵芳地鐵站, 智芳街, 葵興地鐵站, 光輝圍, 大窩口邨油站 (青山道, 大窩口地鐵站對面). 成人車費 $ 4.0沙咀道戴麟趾分科診所落車, 向前行.至於小巴, 你見到寫住荃灣福來邨的便上車, 它經葵芳廣場, 智芳街, 葵興地鐵站, 再上葵涌邨, 然後去大窩山邨油站(青山道, 即大窩口地鐵站對面), 叫司機俾你喺 獅子吧 落車, 行返轉頭便是大會堂.

2007-03-30 22:24:01 補充：
其實搭地鐵幾方便呀. 係咪我講得太複雜, 你睇唔明呢? 簡單嚟講:在荃灣地鐵 A 出口, 右轉落梯級, 你會見到專線小巴站301號 (往荃灣廣場)在總站落車後 (即吉之島門口). 一直向車頭方向行, 便是荃灣大會堂了.其實好近路咋. 可能你未去過, 所以唔係咁熟路啦.如果有唔明, 你再問我吖..

2007-03-31 16:01:35 補充：
34 號唔經荃灣地鐵架.它經荃灣沙咀道. 你要喺戴麟趾分科診所落車, 然後向前行. 去到沙咀道與大河道交界, 你可以上天橋, 或行過馬路, 便到大會堂. 大約 5 分鐘路程.再有唔明, 不如你留個email俾我, 我同你聯絡, 我帶你去嘞. (你放心啦, 我係人哋嘅媽咪嚟架) (其實你係唔係去參加學校活動呀? 約埋同學仔去咪得囉. 或者, 屋企人, 朋友仔, 同學仔幫唔幫到手呀 ? ) .

好好,,好詳細,,睇得出好心咁回答唔係淨抄,,十分優秀!!(sor,,我d用詞太貧乏...)

新界綠色小巴 301 號 ((循環線))
祈德尊新邨 <=> 荃灣地鐵站
1. 荃灣,海盛路, 荃灣廣場對出(總站)
2. 荃灣,大河道北, 門牌28號對出
3. 荃灣,西樓角路, 近荃灣地鐵站, 南豐中心對面 <--MTR A出口
4. 荃灣,大涌道, TCL工業中心對面
5. 荃灣,大涌道, 寶安商會王少清中學對出
車費: $2.50