有路線問題!!!急!!

914 之 12min 班次時段，主要在早上繁忙時間出現，
其他時間，平均班次大約為 15-18min，
作為乘客，當然覺得佢疏啦，如果可以開密少少就好！

本人以前經常在放工時乘搭 914 返九龍，而間中亦會搭佢去香港，
絕大部份時間都好準時，並沒有出現要等好耐車既情況。

至於你講既等半個鐘一班車問題，我覺得可能係以下原因：
１）由於前車開得快，而後車開得慢，兩車之間車程距離大左，
　　在中途等車時，等車時間會比班次列出之時間耐；
２）由於上述原因，兩班車之間儲多了客，使後車停站時間耐左，
　　中途客要等多幾分鐘先有後車到；
３）由於 914 經過多處繁忙街道，如銅鑼灣、灣仔、中環等，
　　塞車亦令到車程耐左；
　　若果前車避到塞車位而後車避唔到，咁中途客就要等耐d 先有車；
４）即使唔關塞車事，有時候路面交通情況都會令車程慢左，
　　例如前面有紅小上客、紅綠燈位等；
以上多個情況足以令前車後車車程差距十幾分鐘，再加上 18min 一班，
等車等半個鐘先有都會發生，不過通常好少一次過發生晒，
個人認為同巴士公司偷偷減班關係不大。

仲有另一個問題，就係壞車，
如果其中一部車壞左，中途客就要等多一班車先有車，
以 18min 時段計，一部車壞左就要等 36min 先有車。

當然，亦都不能排除巴士公司因為車務調動而偷偷減班，
但相信這個情況不常見，應該主要是塞車、前車後車差距問題有關。

呢條線係由九巴同新巴一齊派車,但係我就認為唔關九巴嘅事,只係新巴嘅錯(新巴啲司機偷懶),因為我朝朝見到新巴嘅司機(701線)成日泊部巴士喺路邊,自己就企喺行人路食煙.影響公司形象.

會唔會車開得慢啊?