(投資)每月投資問題

選擇(3)。
好處：
- 唔駛俾稅
- 費用較一般基金平
- 投資服務水平 == 基金公司，服務好、非常專業。電話或網上管理均可。
- 唔駛睇實某一兩隻股票
- 1年有4次免費轉換不同風險既基金項目
(a) 如果用公司幫您響強積金搞既account，一出糧就自動過數。包您儲到錢。
(b) 有d強積金或基金公司可以個人特別供款，定期或一次過供，由您自己銀行戶口過戶。情況大概同(a)一樣。不過，(a)既錢，要等到您離開現職既公司，先至有得攞。(b)既就隨時攞走都得。

2007-04-03 13:54:13 補充：
似乎好多人對強積金自願性供款有d誤解：- 自願性供款部份唔需要等到您65歲，或決定永久離開香港，或您......先至攞到錢。如果係用公司原本個account，離職就攞得番。個個都話要65歲先攞得番係唔啱既。- 有d基金公司更可提供特別自願性供款計畫，就幾時攞番d錢都得。- 以德盛(Allianz)為例，佢既特別自願性供款計畫：--- 唔駛收認購費--- 管理費都係1.18%， 而原本既MPF都要收1.43%既管理費啦--- 每月最低供款$500港紙，我諗好多人都問題

2007-04-03 14:26:26 補充：
咁月供基金又有咩唔同？基本上差唔多，最主要分別在於費用同選擇多寡而已。一般基金的確有好多選擇，不過，多到有時花多眼亂，都唔知點揀。有人話MPF 'd fund choice 不敢恭維'，何以見得呢？又搵德盛(Allianz)做例子，佢既強積金計劃裡面既RCM亞洲基金年率化回報達24.98%，同其他基金比都仲好吸引。為什麼'不敢恭維'呢？定係順口蹹......

2007-04-03 14:27:10 補充：
月供基金都係要收認購費，大約3.35%-5%到。以5%計，月供1000蚊，就要俾50蚊認購費。而MPF基金唔收呢部分錢。月供基金都係要收管理費，一般5%。而MPF基金(見上述)，1.1x%-1.5%。又平一截。

2007-04-03 14:36:57 補充：
而月供股票，有人話'投資回報會幾好'。......如果實贏，就係。月供股票雖然話用平均成本法分散風險，但係股票低買高賣既好處就完全冇。仲有，好多時月供既錢唔夠買入整一手股票，買入同賣出既價錢都差d。唔夠一手，係唔會派息俾您。冇d人講到咁理想。

2007-04-03 14:44:53 補充：
平常買股票，要俾經紀佣金、印花稅、交易徵費、交易費，另銀行或證券行手續費。您估精打細算既銀行會唔會咩錢都唔駛收咁俾您月供呢？都係反映晒響個股價到。如果您唔想繼續月供，您d股票點呢？冇記錯，放在銀行係要收您存倉費既。樣樣都要收費，都係要計清楚好。

Option 2: 月供基金

Reasons:

月供股票o既 minimum charges / overheads 其實好唔抵, 比月供基金唔平得好多.
And, 你選股有幾叻? 有冇專業基金佬咁叻? 選錯股的話......

上面o個位朋友好o岩, mpf 供款要到65歲至取得, 人人咁長命咩?
Also, d fund choice 不敢恭維, 點及銀行 or 保險公司計劃 咁多好基金俾你選擇.

除左第三項之外, 我認為 1,2 皆可取

第三項的唔好的地方, 大家都已經講左, 最主要係時間太長而缺乏彈性, 基金選擇少亦係另一個問題. 當然有 d mpf 的計劃都幾正, 但普遍都唔吸引

1, 2 之間點揀呢 ? 唔同的投資, 回報一定唔同, 風險都唔同, 唔可以將兩者單從回報上做比較.

股票係一個要考眼光, 分析和時間的投資工具, 月供股票都好的, 可以將風險減低, 但供股票就比較集中, 集中某一兩種行業外, 同時集中晌香港呢個市場, 風險很高.

基金以長線穩定回報為主, 單一基金已包括數十隻股票, 即使同樣集中香港呢個市場, 但已經包括左比較廣泛的行業股, 風險分散一點. 另外亦有環球的基金選擇. 不過收費一般都比股票略高.

如果你時間充裕, 對股票又有認識, 供股是一個幾好的選擇. 但時間不多, 唔能夠時時都望住個市, 又想分散投資的話, 基金會比較好. 可以兩樣都做, 進可攻時退可守.

[email protected]

1.月供股票 - 除非你有股票投資的知識，一般不建議選擇，因購買單一股票的風險頗高，如果你沒有相關知識而又希望投資股票，建議你可以每月定額供盈富基金和中國A50基金呢類追蹤恆指和中國股市的股票基金，一來可達至分散風險，二來月供定額款項可以平均成本法達至高位買少啲，低位買多啲的分散風險方法。
2.月供基金 - 大多數投資公司都提供多種不同類型的基金產品供選擇，除了常見的地區性股票，更有能源基金，債券基金，房地產基金等多種不同選擇，雖然收費高，但好處是有專業的基金經理同你睇實，而且每一基金是集合眾多資金共同承擔風險，亦都分散投資於不同股票去分散風險，那些基金費用，相對於有時10-15%回報的基金其實微不足道，另一方面，同月供股票一樣，每月定額供款，同樣可以平均成本法達至分散風險的目的。
3.mpf個人供款 - 呢筆錢要你退休先可取回，而且收費高，回報低，不用考慮，維持個人供款5%好了。
總結，我的建議是月供基金，就你的投資年期，和可承受風險去選擇合適的基金投資計劃。

首先先剔除你的第三選擇，mpf 個人供款。因mpf 是 for 退休後到 65 歲才可提取，一般而言就算是高風險投資，其實都是非常保守，因是用來養命的，基金公司都不會冒險，回報率是比較低的。

如你沒有時間去研究和親自參予投資，而又想回報率較高，月供基金和股票都是不錯的選擇，你的預算是每月 3 到 5 千元，我建議月供股票較適合，你可揀息口高和穩定的大籃籌，如匯豐控股，年息有差不多 5 厘，比紅簿仔要高，而且收取費用固定簡單，不似基金般複雜，所以我建議應揀月供股票。

我認為你應該將錢放在月供股票,因為投資回報會幾好。其他果兩d投資回報無咁好!
(記住:俾多d錢落去投資!)